Ötən həftə Beynəlxalq Avrasiya Mətbuat Fondunun (BAMF) təşəbbüsü ilə Birləşmiş Millətlər Təşkilatının Azərbaycandakı nümayəndəliyi və Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə “BMT yanında məşvərətçi status: QHT-lər üçün imkanlar və faydalar” mövzusunda vebinar müzakirələr keçirildi. Qeyd olunduğu kimi, 150-dən çox vətəndaş cəmiyyəti qurumu nümayəndələrinin iştirak etdiyi müzakirələrdə Azərbaycan Respublikası Milli Məclisinin deputatı, ATƏT PA-nın vitse-prezidenti, Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının sədri Azay Quliyev də iştirak edib.
Vebinarda çıxış edən millət vəkili A. Quliyev öz çıxışına Azərbaycanla BMT arasında əməkdaşlığın uğurlu inkişafından söz açmaqla başlayıb.
EDNews.net həmin çıxışın tam mətnini sizlərə təqdim edir:
.jpg)
Əziz dostlar və həmkarlar!
İlk növbədə belə bir əhəmiyyətli video konfransı təşkil etdiyinə görə hörmətli Umud Rəhimoğluna təşəkkür edirəm. Həmçinin, ona Azərbaycandakı qurumları BMT-nin İqtisadi və Sosial Şurası (ECOSOC) üzvlüyünə daxil olmaq və BMT-nin digər müvafiq strukturlarında iştirakına təşviq etmək üçün göstərdiyi ciddi səylərə görə minnətdarlığımı bildirirəm.
2011-ci ildə 155 ölkə tərəfindən BMT-nin Təhlükəsizlik Şurasına qeyri-daimi üzvlərin seçilməsini vurğulayaraq Azərbaycan parlamenti ilə BMT arasında yüksək səviyyəli əlaqələri qeyd etmək isərdim. Bundan əlavə, Azərbaycan bu yaxınlarda 120 ölkənin hökumət və dövlət başçılarının təmsil olunduğu Qoşulmama hərəkatının onlayn Zirvə görüşünü təşkil edib. Bu görüşdə BMT Baş Katibi Antonio Quterreşin nitqi dinlənilib. Sammit iştirakçıları BMT Baş Katibinin COVİD-19 ilə mübarizəsi üçün irəli sürülmüş planlarına tam dəstək nümayiş etdirib.
Əziz həmkarlar, bildiyiniz kimi Azərbaycanda vətəndaş cəmiyyəti təşkilatları hər zaman BMT-nin layihələrində fəal iştirak edib. Azərbaycanın ECOSOC-a üzv olan 16 QHT-sinin xarici tərəfdaşlarla yaxından işləməsi çox təqdirəlayiqdir.
Qeyd edək ki, Azərbaycan Respublikasının Prezidenti yanında QHT-lərə Dövlət Dəstəyi Şurası ilə BMT qurumları arasında da əməkdaşlıq səviyyəsi öz sıxlığı və məhsuldarlığı ilə fərqlənir. BMT-nin ölkəmizdəki nümayəndəliyi və ixtisaslaşmış qurumları ilə birlikdə bir sıra birgə layihələr uğurla həyata keçirilib. Şura hər zaman Azərbaycan vətəndaş cəmiyyəti təşkilatlarının beynəlxalq səviyyədə daha geniş təmsil olunmasını təşviq edir. Şura hər il bir çox yerli QHT-lərin BMT, AŞPA, ATƏT və digər beynəlxalq təşkilatların yüksək səviyyəli tədbir və görüşlərində iştirakı üçün onlara xarici səfər qrantları ayırır. BMT qurumları ilə QHT-lər arasında mümkün əməkdaşlıqdan danışarkən qeyd etmək lazımdır ki, Şura elektron və ya rəqəmsal hökumət sahəsində BMT ilə əməkdaşlığın keyfiyyətcə yeni səviyyəyə yüksəldilməsinə olduqca diqqət yetirdiyini qeyd etmək lazımdır.
Böyük məmnuniyyətlə Hökümət – QHT - Vətəndaş" üçtərəfli əməkdaşlığının tamamilə yeni bir modeli olan və Şuranın 20 elektron xidmətini bir araya gətirən "SƏLİS" Sürətli Əlaqələndirmə və Layihələri İdarəetmə Sistemini təqdim etdiklərini və bununla da Şuranın fəaliyyətinin e-hökumətə tam keçidinə nail olduqlarını vurğulayıram. BMT-nin Azərbaycandakı Rezident Əlaqələndiricisi cənab Qulam İshaqzaiyə SƏLİS-in təqdimat mərasimində bu Sistemin tezliklə BMT-nin Dövlət Xidmətləri Mükafatına layiq görülməsinin mümkün olacağını bildirdiyinə görə təşəkkür edirəm. Onu da qeyd etmək istərdim ki, biz cənab İshaqzai və BMT-nin müvafiq qurumları ilə əməkdaşlığımızı davam etdirmək niyyətindəyik.
Əziz dostlar, bildiyiniz kimi COVİD-19 pandemiyası beynəlxalq gündəmin əsas məsələsinə çevrilib. Bununla əlaqədar, Şura 11 ölkədən olan vətəndaş cəmiyyəti təşkilatları ilə video konfrans keçirərək onların pandemiya ilə mübarizədə milli təcrübələrini müzakirə edib. Konfransda Ümumdünya Səhiyyə Təşkilatına (BST) Bəyanat ünvanlanıb və pandemiya və post-pandemiya dövründə birgə fəaliyyət planı barədə ÜST-ə məlumat verilib.
Əziz dostlar, Şura ECOSOC-un məqsədlərini və missiyasını dəstəkləyir və biz bu beynəlxalq quruma üzv olmaq istəyən hər bir yerli QHT-yə lazımi maliyyə, metodik, konsultativ və texniki yardım verməyə hazırıq. BAMF-ın prezidenti Umud Rəhimoğlunun böyük təcrübəsini və onun rəhbərlik etdiyi təşkilatın müvafiq resurslarını nəzərə alaraq Azərbaycan QHT-lərinin ECOSOC-a üzvlüyünün təşviqi prosesinin koordinasiyasını ona həvalə edilməsi təklifini vermək istərdim. İnanıram ki, BAMF tərəfindən təşkil edilə biləcək seminar və məlumat sessiyaları Azərbaycanın vətəndaş cəmiyyətinin bu qurumda daha geniş təmsil olunmasına töhfə verə bilər. QHT-lərin ECOSOC çərçivəsində məşvərətçi statusu almaq üçün son müraciət tarixinin 1 iyun 2020-ci ilin olduğunu nəzərə alaraq hesab edirəm ki, bütün texniki detalları razılaşdırmalı və bu tədbirləri ən qısa müddətdə başlamalıyıq.
Yerli QHT-ləri istənilən qeyri-hökumət təşkilatı üçün böyük bir üstünlük olan ECOSOC üzvlüyünə müraciət etməyə çağırıram. Bunun sayəsində onlar müxtəlif vacib mövzularda beynəlxalq tədbirlərdə iştirak etmək və əlbəttə ölkəmizi beynəlxalq arenada təmsil etmək, Ermənistanın Azərbaycan Respublikasının Dağlıq Qarabağ bölgəsində yürütdüyü işğalçılıq siyasəti barədə daha geniş auditoriyanı məlumatlandırmaq və bu məsələ ilə bağlı BMT-yə ətraflı alternativ hesabatlar təqdim etmək üçün daha böyük imkanlar qazanacaqlar. Yekunda Şura ilə BMT-nin müvafiq qurumları arasında daha sıx əməkdaşlığa ümidvar olduğumu bildirmək istərdim.
Onu da qeyd etmək istərdim ki, Şura və BMT-nin Bakı Ofisi, Minilliyin İnkişaf Məqsədlərinin icrasında vətəndaş cəmiyyətinin iştirakını artırmaq məqsədi ilə Əməkdaşlıq Memorandumu imzalamağa, eyni zamanda bununla bağlı lazımi maddi və texniki yardım göstərməyə hazırdır.
