BAMF prezidenti "Vətəndaş Cəmiyyəti" qurumlarının cəmiyyətimizdəki rolundan danışdı - VİDEO | Eurasia Diary - ednews.net

8 İyul, Çərşənbə


BAMF prezidenti "Vətəndaş Cəmiyyəti" qurumlarının cəmiyyətimizdəki rolundan danışdı - VİDEO

Cəmiyyət A- A A+

AZTV-də yayımlanan "Çıxışa Doğru" proqramında “Pandemiya dövründə QHT-lərin Vətəndaş cəmiyyəti üçün gördüyü işlər mövzusunda müzakirələr aparılıb. Müzakirələrdə Prezident yanında QHT-lərə Dövlət Dəstəyi Şurasının Katibliyinin İcraçı Direktoru Fərasət Qurbanov, Beynəlxalq Avrasiya Mətbuat Fondunun (BAMF) Prezidenti Umud Mirzəyev, Azərbaycan Gənclərinin Avropaya İnteqrasiyası Təşkilatının İdarə Heyətinin üzvü Nərgiz Xələf, Vətəndaşların Sosial Rifahı Naminə İctimai Birliyinin sədri İradə Rzazadə iştirak ediblər.

QHT-lərin bu gün artıq dövlətin partnyoru səviyyəsinə çatan bir inkişaf yolu keçdiyini deyən Fərasət Qurbanov, eyni zamanda Azərbaycanda QHT-lərin tarixi barədə də danışıb:

“Bu gün QHT-lər ölkənin bütün əksər rayon və şəhərlərində ictimai layihələrə start verirlər. Onlar dövlətin əsas institutları olmaqla yanaşı, ümummilli məsələlərdə öndədirlər, dövlət və dövlətçilik əhəmiyyətli məsələlərdə daim fəaldırlar, ən müxtəlif məsələlərdə ictimai dəstəyi təmin edirlər. Bu məsələlər təkcə daxili məsələlər deyil, Ermənistan-Azərbaycan Dağlıq Qarabağ problemi ilə bağlı Azərbaycanın ədalətli mövqeyinin dünyada təbliği və Azərbaycan həqiqətlərinin dünyaya çatdırılıması istiqamətində çoxsaylı layihələr həyata keçirirlər”, - deyə F. Qurbanov bildirib.

Bundan əlavə, Beynəlxalq Avrasiya Mətbuat Fondunun prezidenti Umud Mirzəyev pandemiya ddönəmində vətəndaş cəmiyyətinin Azərbaycan və ümumiyyətlə cəmiyyət üçün nə qədər töhfə verən bir qurum olduğunu bir daha təsdiq etdiyini vurğulayıb:

“Təkcə iki ay müddətində bizim 24 onlayn konfransımız oldu. Hər birinə bəzən 400-ə yaxın insan qatılırdı. Bu gün dövlət qurumları ilə paralel olaraq bu problemi insanlarla birgə yaşayanların əksəriyyəti elə vətəndaş cəmiyyəti qurumlarını təmsil edən şəxslərdir. QHT vaxtından, pulundan vaz keçməyi bacarmaq deməkdir. QHT təmsilçisinin vücudu mənən paylaşmaq üzərində köklənməlidir. Prezident 17 martda növbəti sosial paketi imzaladı. Bu proqramın həyata keçirilməsində vətəndaş cəmiyyətlərinin misilsiz rolu var”, - deyə U. Mirzəyev bildirib.

EDNews.net verilişin video yazısını sizlərə təqdim edir:

EDNews.net

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...