BMT-nin Uşaq Fondu və Avropa İttifaqının maliyyə dəstəyi ilə Beynəlxalq Avrasiya Mətbuat Fondu (BAMF) tərəfindən icra edilən “Azərbaycan Gənclərinə Dəstək Proqramı” çərçivəsində Tərtər rayonun mərkəzində və Həsənqaya kəndində, Goranboy rayonunun Tap-Qaraqoyunlu və Buzluq kəndlərində və Bərdə rayonunda koronavirusla mübarizəyə dair maarifləndirici tədbirlər keçirilib.
EDNews.net xəbər verir ki, tədbirlərdə, yerli icra orqanlarının nümayəndələri, eləcə də layihə koordinatoru Fariz Vəliyev, Bərdə rayon regional koordinatoru Pərvin Əhmədova, Tərtər rayon regional koordinatoru Kamran Məmmədli, Goranboy rayon regional koordinatoru Vüsalə Tağıyeva və Məşvərət Şurasının üzvləri iştirak ediblər.
Tədbirlər çərçivəsində “COVID-19”un yayılmasının qarşınının alınması üçün USAİD tərəfindən hazırlanmış ünsiyyət materialları yeniyetmə, gənclər və yaşlı insanlar arasında paylanılıb və epidemiyadan qorunma yolları ətraflı izah olunub.