İyunun 9-da, BMT-nin Cenevrədəki DİM Laboratoriyası, "COVID-19"un Davamlı İnkişaf Məqsədlərinə (DİM) nail olunmasına təsiri və dövlətlərin vətəndaşlarının zəruri ehtiyaclarını qarşılamaq üçün gördüyü tədbirləri yüksək səviyyəli platformada müzakirə edib. Onlayn tədbirdə qeyri-formal iqtisadiyyata keçid vasitəsilə pandemiya ilə mübarizədə bərabərsizliyin bir sıra aspektləri müzakirə olunub.
EDNews.net xəbər verir ki, onlayn tədbirdə Azərbaycanda yerləşən, BMT ECOSOC yanında Əsas Məşvərətçi statusuna malik beynəlxalq təşkilat Beynəlxalq Avrasiya Mətbuat Fondu (BAMF) iştirak edib. BAMF dünyaca məşhur iqtisadçı Nobel Sülh Mükafatı laureatı, professor Məhəmməd Yunus tərəfindən post-pandemiya dövrü üçün hazırlanmış, sosial biznesin inkişafının əhəmiyyətini vurğulayan yenidənqurma konsepsiyası ilə bağlı məsələ qaldırıb.
Məruzəçilər təşkilatların və hökumətlərin, qeyri-formal iqtisadiyyata keçidlə COVID-19 pandemiyası nəticəsində yaranmış bərabərsizliklə necə mübarizə apardıqları barədə əsas suala cavab verməyə çalışıblar. Dörd ölkənin - Hindistan, İordaniya, Portuqaliya və Cənubi Afrikanın nümayəndəsi 2030 Gündəliyini diqqət mərkəzində saxlayaraq bərabərsizlikləri aradan qaldırmaq üçün göstərilən səylərindən danışıblar.
Əsas məruzəçilərdən olan BMT-nin Cenevrə Bölməsinin Baş Direktoru Tatyana Valovaya, bərabərsizlik mövzusunun bu gün üçün çox vacib olduğunu söylədi.
"Pandemiya nəticəsində bərabərsizliyin artdığını görürük və qorxuruq ki, 2020-ci ilin statistikasına görə milyonlarla insan kəskin yoxsulluğa düçar ola bilər. Pandemiya bərabərsizliyin gündəmdəki ən aktual mövzulardan biri olduğunu göstərdi. Birlikdə həll yolu axtarmaq vacibdir. Təcrübəmizi bölüşə biləcəyimiz bir platformaya ehtiyacımız var. Biz yalnız pandemiyadan sonra necə sağalacağımız deyil, daha yaxşı necə sağala biləcəyimiz barədə də düşünməliyik".
EDNews.net çıxışın tam mətnini təqdim edir: