Beynəlxalq Avrasiya Mətbuat Fondu (BAMF), Ümumdünya İncəsənət və Elm Akademiyasının BMT-nin Cenevrə ofisi ilə birgə təşkil etdiyi "21-ci əsrdə Qlobal Liderlik" adlı vebinarda iştirak edir. EDNews.net-in məlumatına görə, onlayn konfrans 2020-ci il 15-19 iyun tarixlərində keçirilir.

Ümumdünya İncəsənət və Elmlər Akademiyası, BMT-nin Cenevrə ofisi ilə birgə Dayanıqlı İnkişaf Məqsədlərinin uğurla həyata keçirilməsində daha çevik liderliyi təşviq edən innovativ strategiyalara və təsirli prinsiplərə malik çoxtərəfli, çoxsektorlu layihə həyata keçirir. Layihə çərçivəsində hökumətlərarası təşkilatlar, milli dövlətlər, biznes, elmi tədqiqat və təhsil müəssisələri, vətəndaş cəmiyyəti və gənclər təşkilatları ilə məsləhətləşmələr keçiriləcək. 2020-ci ilin oktyabrında BMT-nin Cenevrə ofisində keçiriləcək iki günlük böyük bir konfransla layihəyə yekun vurulacaq, ardınca BMT-yə, maarifləndirici və digər təbliğat xarakterli strategiyalar haqqında hesabat veriləcəkdir. Layihənin əsas məqsədi qlobal inkişaf üçün daha çevik liderliyin yaranmasını sürətləndirməkdə katalizator olmaqdır. Bu strategiya əvvəllər təşkilatlar, milli dövlətlər və beynəlxalq təşkilatlar səviyyəsində islahatlar aparmaq üçün katalizator rolunu oynayan effektiv idarəetmənin qlobal səviyyədə qəbul edilərək tətbiq olunmasıdır.

Əsas məruzəçilər arasında, BMT-nin Cenevrə Bölməsinin Baş Direktoru Tatyana Valovaya, Latviya Prezidenti Vaira Vike-Freiberga (1999-2007), NGIC həmsədri; Ümumdünya İncəsənət və Elm Akademiyasının üzvü, BMT-nin Cenevrə şöbəsinin baş direktor aparatının rəhbəri David Çikvaidze, BMT-nin Avropa üzrə İqtisadi Kommissiyasının (UNECE) icraçı katibi Olga Algayerova və başqaları var.