AzTU adı Azərbaycan Texniki Universitetinin brendi kimi təsdiqləndi | Eurasia Diary - ednews.net

11 Avqust, Çərşənbə axşamı


AzTU adı Azərbaycan Texniki Universitetinin brendi kimi təsdiqləndi

Cəmiyyət A- A A+

Azərbaycan Texniki Universiteti təhsil xidmətlərini bundan sonra AzTU brendi altında təqdim edəcək.

EDNews.net-in məlumatına görə, bu barədə qərar universitetin Elmi Şurasının növbəti onlayn iclasında qəbul olunub. Məqsəd bu ali təhsil ocağının AzTU brendi altında dünya təhsil bazarında tanıdılmasıdır. İclasda universitetin loqosu, himni, bayrağı və digər korporativ atributlarının hazırlanması ilə bağlı da müzakirə aparılıb.
 
Elmi Şuranın qərarı ilə “İqtisadiyyat və idarəetmə” fakültəsində struktur dəyişiklikləri aparılıb. Belə ki, “İqtisadi nəzəriyyə və xidmət sahələrinin iqtisadiyyatı” kafedrasının adı dəyişdirilərək “Beynəlxalq ticarət və marketinq”, “Sənayenin iqtisadiyyatı və menecment” kafedrası isə yenidən təşkil edilərək “İqtisadiyyat” adlandırılıb.
 
İclasda həmçinin AzTU-da əlavə təhsil xidmətlərinin təşkili üçün “Əlavə və Distant Təhsil Mərkəzi”nin yaradılması, „Azərbaycanda ali təhsilin gücləndirilməsinə dəstək“ TVINNIQ layihəsində AzTU-nun iştirakı və “Tədris və Təlim” Mərkəzinin (“Teaching və Lerning”) təşkili, “Nəqliyyat xidmətlərində böhran və risklər mühəndisliyi” üzrə Servis Ofisinin (CRENG-SO) yaradılması ilə bağlı qərar qəbul edilib.

EDNews.net

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...