Dünyada istifadə edilən su ehtiyatları sürətlə tükənməkdədir. Gündəlik təmiz su tapa bilməyən insanların sayı isə 1 milyardı ötüb. "Eurasia Diary" xəbər verir ki, Birləşmiş Millətlər Təşkilatı hər il İyunun 17-də Ümumdünya Səhralaşma və Quraqlıqla Mübarizə Gününü qeyd edir. Təşkilat dünyada 1 milyarddan çox insana təmiz suyun çatmadığı barədə xəbərdarlıq edib.
BMT tərəfindən dərc olunan İçməli Su və Təmizləmə Qlobal Təhlil və Qiymətləndirmə hesabatına görə, dünyada təxminən 748 milyon insan təmizlənmiş içməli su mənbəyindən məhrumdur. 1,8 milyard insanın içməli suyunu təmin edən mənbəyə kanalizasiya sularının da qarışdığı ehtimal edilir.
Dünya Səhiyyə Təşkilatı suyun etibarlı olmayan mənbələrdən əldə edilməsi nəticəsində baş verən yoluxucu xəstəliklərin hər il 2 milyondan çox insanın ölümünə yol açdığını bildirib. Hər gün minə yaxın uşaq, sudan yayılan, qarşısı alına bilən xəstəliklər ucbatından həyatını itirir.
Dünya su ehtiyatları həyəcan siqnalı verir
BMT-nin 2016-cı ilin martında dərc etdiyi hesabatda ən az 1,8 milyard insana keyfiyyətli, təhlükəsiz içməli suyun çatmadığı qeyd edilib. Yaxın 15 i ərzində dünyada su ehtiyatlarının yarıya qədəri yox olacaq. Kənd təsərrüfatı və sənayedə su ehtiyatlarından həddən artıq istifadə bu prosesi sürətləndirəcək.
Quraqlıq və səhralaşma torpaq itkisini artırır
Hazırda ən böyük ekoloji problemlərdən olan quraqlıq və səhralaşma hər il 12 milyon hektar torpağın korlanmasına səbəb olur. Bu da hər il 20 milyon ton taxıl istehsalını təmin edəcək dəyərdə torpaq itkisi anlamına gəlir.
Əkinə yararlı torpaq sahələrinin itirilməsi son əsrdə 35 dəfə artdığını dilə gətirən BMT mütəxəssisləri, torpaq itkisinin dünya üzrə 1,5 milyard insana təsir etdiyini açıqlayıb.
Yer üzündəki suyun yalnız yüzdə 2,5-i istifadə edilə bilər
Böyük bir qismi buzlaqlarda və kiçik bir qismi də yer altında olan şirin su ehtiyyatları yer üzündəki suyun yalnız yüzdə 2,5 faizini yaradır.
Şirin suyun da yalnız yüzdə birinə birbaşa çatmaq mümkündür. Şirin su ekosistemi, planet səthinin yüzdə 0,01 faizindən daha azına uyğun gəlir.
"Eurasia Diary"