12 Avqust bütün dünyada "Beynəlxalq Gənclər Günü" kimi qeyd olunur. Bu gün gənclərə öz səslərini duyurmaq, fəaliyyət və təşəbbüslərini, eyni zamanda baş verən proseslərdə mühüm, universal və bərabərhüquqlu iştirakını qeyd etmək fürsəti verir.
UNİCEF-in Azərbaycandakı Nümayəndəliyinin rəhbəri Edvard Karvardin "Beynəlxalq Gənclər Günü" münasibətilə Azərbaycan gənclərini təbrik edib. O, Facebook hesabında yayımlanan videoda hisslərini bölüşüb.
Edvard Karvardin pandemiyaya baxmayaraq, ölkə gənclərinin enerjili və öhdəliklərinə sadiq qalmasını müsbət hal kimi dəyərləndirib.
O, UNİCEF-in daha çox gəncin qatıla bilməsi üçün proqramlarını onlayn formata çevirdiyini, karantin dövrünün xüsusi çətinliyini hiss edə biləcək bəzi gənclər üçün psixoloqlara və məsləhətçilərə çıxışın təmin edildiyini bildirib. O, həmçinin təhsil sahəsində dövlət orqanları ilə birgə görülən tədbirlərdən söz açıb.