Azərbaycan Respublikasının Prezidenti İlham Əliyevin 8 sentyabr tarixli sərəncamı ilə təsdiqlənən Əfv Komissiyasının yeni tərkibinə daxil edilən Sosial Tədqiqatlar Mərkəzinin İdarə Heyətinin sədri, millət vəkili Zahid Oruc göstərilən etimada görə dövlət rəhbərinə təşəkkür edib.
Eurasia Diary APA-ya istinadən xəbər verir ki, Milli Məclisin İnsan Hüquqları Komitəsinin sədri Zahid Oruc ölkəmizdə formalaşan bu instituta cəmiyyətdə böyük etimadən olduğunu söyləyib.
Millət vəkili deyib ki, indi Komissiyanın yeni tərkibinin formalaşması onu deməyə əsas verir ki, Prezident Administrasiyasının rəhbəri Samir Nuriyevin tapşırığı ilə mart və may aylarında müvafiq olaraq hazırlıq görülmüş əfv qərarına dair işlərin araşdırılmaları Katiblikdə müvafiq prosedurlar əsasında başa çatacaq və Komissiyanın müzakirəsinə çıxarılacaq.
O, bildirib ki,Komissiya razılaşdırılmış işlərə dair müvafiq siyahıları müəyyən vaxt çərçivəsində Prezident İlham Əliyev və vitse-prezident Mehriban Əliyevaya təqdim edəcək. Bununla da əfv sərəncamı üçün hazırlıqlar görülməkdədir.