Azərbaycan Ordusu öz qələbələri ilə şanlı tarix yazır. Ürəkləri yurd həsrəti ilə döyünən Qərbi Azərbaycanlılar da öz ata - baba yurdlarına qayıtmaq istəyirlər. Bununla bağlı Qərbi Azərbaycanlılar İctimai Birliyi ölkə rəhbəri cənab İlham Əliyevə müraciət ünvanlayıb.
Eurasia Diary müraciəti sizə təqdim edir:
Cənab Ali Baş Komandan !
Bu günlər müzəffər Ordumuz işğalçı Ermənistanın silahlı qüvvələrinə qarşı vuruşda qələbələr əldə edərək tarix yazmaqdadır. Bütün bunlar yorulmaz fəaliyyətiniz nəticəsində baş verir. Azərbaycanın haqlı mövqedə olduğunu göstərmək üçün dünyanın ictimai fikrində obyektiv təsəvvür yaratmısınız. Dünyanın hər yerinə yayılmış erməni lobbisinə, erməni havadarlarına qarşı durmadan mübarizə apararaq, işğal olunmuş torpaqlarımızın azad olunması üçün tarixi ədalətin bərpasına çalışırsınız.
Separatizmə meyilli ermənilərin tarixi Azərbaycan torpaqlarında yerləşdirilməsi Rus imperiyasının əli ilə Kürəkçay, Gülüstan və Türkmənçay sülh müqavilələrindən sonra başladı. Onlar ilk gəldikləri gündən Azərbaycan xalqının mədəni irsini mənimsəməyə başladılar və bu hələdə davam etməkdədir. Əzəli və əbədi torpaqlarımızı özününküləşdirmək üçün bütün üsullara əl atdılar. Bunun üçün azərbaycanlıları öz tarixi torpaqlarından sıxışdırıb çıxarmaq üçün qırğınlar törətdilər. Rusların köməyi ilə 1918 - ci ildə 16 mahaldan ibarət İrəvan xanlığının əraziləri sayılan Qərbi Azərbaycan torpaqıarında özlərinə dövlət qurdular. Türksüz ,, Ermənistan " adı altında aparılan azərbaycanlıların öz tarixi ata - baba torpaqlarından təmizləmə siyasəti 1905 - 1907 , 1919 - 1921, 1948 - 1953 - cü illərdə davam etdirilərək, 1988 - ci ildə özünün pik həddinə çatdı1948 - 1953 - cü illərin deportasiyası zamanı bu ərazilərdə Azərbaycan türklərinin sayı 400 yüz min, son 1987 - ci il deportasıyası zamanı isə 470 min olmuşdur. Soydaşlarımız ata - baba yurdlarından zorla çıxarılan zaman qətlə yetrilmiş , yaralanmış və yollarda soyuq qar çovğununa düşərək həyatlarını itirmişlər.
Möhtərəm Ali Baş Komandan!
Ürəkləri yurd həsrəti ilə döyünən Qərbi Azərbaycanlılar öz ata - baba yurdlarına qayıtmaq istəyirlər. Bunun üçün tarixi an gəlib çatmışdır. Ordumuzun şanlı qələbəsindən sonra başlanacaq sülh müqaviləsinin şərtlərindən biri də biz inanırıq ki, Qərbi Azərbaycanlıların öz ata - baba torpaqlarına qayıtması olacaqdır. Biz çoxminli Qərbi Azərbaycanlılar adından Sizə möhkəm can sağlığı arzulayırıq.
Yaşasın şanlı Azərbaycan Ordusu!
Yaşasın Arərbaycan xalqı!
Qələbə bizimdir!
Qarabağ Azərbaycandır!
Qərbi Azərbaycan İctimai birliyi.
31.10 .2020 - ci il.