Bu gün matəmdir - Səfirliklərimiz bayraqları endirdi - FOTOLAR | Eurasia Diary - ednews.net

19 Aprel, Bazar ertəsi


Bu gün matəmdir - Səfirliklərimiz bayraqları endirdi - FOTOLAR

Cəmiyyət A- A A+

Bu gün Azərbaycanın xaricdəki səfirliklərində Xocalı faciəsinin qurbanlarının xatirəsinə dövlət bayraqları endiriləcək.

Azərbaycanın Yaponiya və Malayziyadakı diplomatik nümayəndəliklərində artıq bayraqlar endirilib.

Səfirlik əməkdaşları həmçinin Xocalı faciəsinin 29-cu ildönümünə həsr olunmuş məlumatverici aksiyalar da keçiriblər.

1992-ci il fevralın 25-dən 26-na keçən gecə erməni hərbi birləşmələri Rusiyanın 366-cı motoatıcı alayının köməyi ilə Xocalı şəhərinə hücum edib. Şəhərin 2 500 sakini xilas olmaq üçün Ağdam istiqamətində hərəkət edib. Ermənilər isə dinc sakinləri gülləbaran ediblər.

Erməni təcavüzkarlarının Azərbaycan xalqına qarşı törətdiyi növbəti kütləvi qırğın 613 nəfərin, o cümlədən 106 qadın, 63 uşaq, 70 qocanın həyatına son qoyub. 1 275 dinc sakin əsir götürülüb, onlardan 150 nəfərin taleyi hələ də məlum deyil. 475 nəfər şikəst olub. 8 ailə bütünlüklə məhv edilib. 25 uşaq hər iki valideynini, 130 uşaq isə valideynlərindən birini itirib.

1

1

1

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...