BAMF Brüssel Ədliyyə Akademiyası ilə əməkdaşlıq memorandumu imzaladı - FOTOLAR | Eurasia Diary - ednews.net

14 İyun, Bazar ertəsi


BAMF Brüssel Ədliyyə Akademiyası ilə əməkdaşlıq memorandumu imzaladı - FOTOLAR

Cəmiyyət A- A A+

Bu gün BMT ECOSOC-un Əsas Məşvərətçi Statuslu üzvü olan Beynəlxalq Avrasiya Mətbuat Fondu (BAMF) və Brüssel Ədliyyə Akademiyası arasında qarşılıqlı tərəfdaşlığa dair memorandum imzalanıb. Bu haqda BAMF prezidenti Umud Mirzəyev məlumat verib.

“Brüssel Ədliyyə Akademiyası QHT olaraq, təhsil məsələləri ilə yanaşı əsasən beynəlxalq cinayət əməllərinin müəyyən edilərək məhdudlaşdırılması üçün məlumatların sənədləşdirilərək səlahiyyətli qurumlara təqdim edilməsi, insan haqları pozuntuları sahəsində monitorinq və araşdırmaların aparılması istiqamətində fəaliyyət göstərir. BAMF və Akademiya mütəxəssisləri arasında keçirilən ilk onlayn vebinar zamanı Qarabağda baş verən zorakılıqların, vandalizmin yaratdığı cinayətin hüquqi tərəflərinin araşdırılması, minalanmış ərazilərin xəritələrinin Ermənistan tərəfindən gizlədilməsi kimi əməllərin beynəlxalq hüquqda yaratdığı presedentlər müzakirə olunub.

"Gələcək əməkdaşlığın qurulması üçün Brüssel Ədliyyə Akademiyasının nümayəndələrinin Qarabağa səfərinin təşkil olunması niyyətindəyik”, deyə Umud Mirzəyev bildirib.

“Bu gün birgə fəaliyyətimizin koordinasiya edilməsini memorandumla rəsmiləşdirdik. Memorandumda əsasən, insan haqlarının qorunması, Şərqi Avropa, Qafqaz və Orta Asiyada baş verənlərə dair obyektiv informasiyanın toplanması və yayılması, jurnalist haqlarının müdafiəsi, hüquqi ekspert araşdırmaları, insan haqları və beynəlxalq humanitar hüquq pozuntularının birgə sənədləşdirilməsi, eləcə də təhsil, sosial və mədəni sahədə birgə fəaliyyətlərin həyata keçirilməsi nəzərdə tutulub“, deyə BAMF prezidenti qeyd edib.

Onun sözlərinə görə, bu əməkdaşlıq işğaldan azad edilmiş ərazilərdə törədilmiş vəhşiliklərin, vandalizm aktlarının sənədləşdirilərək insan hüquq müdafiəsi qurumlarına, beynəlxalq təşkilatlara, İnsan Haqları məhkəməsinə, eləcə də digər beynəlxalq məhkəmələrə çatdırılması üçün bizə əlavə imkanlar yaradır.

“Qarabağ həqiqətlərini dünyaya çıxarmaq üçün 1992-ci ildən fəaliyyət göstəririk. Şükürlər olsun ki, 44 günlük müharibə haqq və ədalətin bərpası üçün zəmin yaratdı. İndi işğaldan azad olunmuş ərazilərdə törədilən vəhşiliklərin var gücümüzlə dünyaya çatdırılması istiqamətində çalışacağıq. Brüssel Ədliyyə Akademiyası ilə bu məsələlərin İnsan Haqları üzrə Avropa Məhkəməsində, digər hüquqi müstəvilərdə qaldırılması istiqamətində razılığa gəldik”, Umud Mirzəyev sonda vurğulayıb.

Qeyd edək ki, Brüssel Ədliyyə Akademiyasının təsisçisi professor Deni Teps, əsas idarəçiləri professor Katerin Kedaiten və siyasi məsələlər üzrə ekspert David Sutterdir. Təşkilatın baş ofisi Brüsseldə yerləşir.  

BAMF Mətbuat departamenti

1

1

1

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...