Azərbaycan Respublikasının Medianın İnkişaf Agentliyi, ADA Universiteti, Beynəlxalq Münasibətlərin Təhlili Mərkəzi və Beynəlxalq Avrasiya Mətbuat Fondunun birgə təşkilatçılığı ilə Əl-Cəzirə Media Şəbəkəsinin Azərbaycan media nümayəndələri üçün "Jurnalistlərin münaqişə zonasında davranışları: Təhlükəsizlik və mühafizə qaydaları" mövzusunda təlim proqramının 2-ci günü start götürülüb.

EDNews.net-in məlumatına görə, Seminar silsiləsinin ikinci günündə ADA Universitetinin prorektoru Fariz İsmayılzadə qonaqları salamlayıb və onları ADA Universiteti ilə tanış edib. Beynəlxalq təlimçi Bevan David Ris çıxış edərək təlim proqramının iştirakçılarını mövzu ətrafında təqdim ediləcək mühazirələrə diqqətlə yanaşmağı tövsiyə edərək, eyni zamanda onları müzakirələrdə fəal olmağa çağırıb.

Seminar qaydaları ilə tanışlıqdan sonra təlim proqramına start verilib və “Şəxsi təhlükəsizlik, Zərərçəkənlərin qiymətləndirilməsi və Nümayiş və ictimai qarışıqlıq” mövzusunda mühazirə dinlənilib.  

Qeyd edək ki, 1-5 avqust 2021-ci il tarixlərini əhatə edəcək təlim proqramında müxtəlif media subyektlərindən 20 nümayəndə iştirak edəcək.