Gəncədə gördüyüm dağıntıları heç vaxt unutmayacam - Gürcü bloger | Eurasia Diary - ednews.net

17 Oktyabr,

Gəncədə gördüyüm dağıntıları heç vaxt unutmayacam - Gürcü bloger

Cəmiyyət A- A A+

“Ömrümdə ilk dəfə müharibənin gətirdiyi faciəyə bu qədər yaxın gəlmişəm. Müharibənin özündə də bir etika olmalıdır. Mülki şəxslər müharibədən əziyyət çəkməməlidir. Mənim bu gün hiss etdiklərimi heç kimin bir daha hiss etməsini istəmirəm”.

EDNews.net-in məlumatına görə, bunu gürcüstanlı bloger Nina Berdzenava Ermənistanın Gəncəyə raket atəşi nəticəsində dağılmış yerlərə baş çəkərkən deyib.

O bildirib ki, mülkin insanların, xüsusilə də uşaqların əzab, iztirab çəkməsi dünyanın heç bir yerində qəbul oluna bilməz: “Keçirdiyim hissləri, emosiyaları ifadə etməkdə çətinlik çəkirəm. Çox təəssüf ki, bu əməllərin hesabını dinc əhali ödəyir. 2008-ci ildə bizdə də müharibə oldu, bizim də dinc sakinləri bombaladılar. Lakin mən onda faciə yerinə bu qədər yaxın gedə bilməmişdim. Bu gün gördüklərimi isə heç vaxt unutmayacam, tez-tez xatırlayacam. Burda həlak olan insanların xatirəsini yad edirik. Ümid edirik ki, bunlar bir daha təkrarlanmayacaq”.

Gəncəni atəşə tutanlara üz tutan gürcü bloger vurğulayıb ki, dinc insanları öldürüb bununla rahat yaşamaq çox çətindir: “Törədəcəyin əməlin dinc insanların ölümünə səbəb olacağını bilə-bilə bunu etmək heç cür qəbul oluna bilməz. Mən bunların baş verdiyi dünyada yaşamaq istəmirəm. Ona görə də heç kimlə heç vaxt belə davranmaq olmaz. Əksinə, bir-birinin qayğısına qalmaq, sevmək, öldürməmək lazımdır”.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...