Tərtərin Marağa kəndində və Şıxarx qəsəbəsində PSTM layihəsi başladı - FOTOLAR - ednews.net

18 Yanvar, Çərşənbə axşamı

Tərtərin Marağa kəndində və Şıxarx qəsəbəsində PSTM layihəsi başladı - FOTOLAR

Cəmiyyət A- A A+

Avropa İttifaqının maliyyə yardımı, UNICEF-in Azərbaycan Nümayəndəliyinin və ANAMA-ın dəstəyi ilə Beynəlxalq Avrasiya Mətbuat Fondu (BAMF) tərəfindən həyata keçirilən Partlayıcı Sursatların Təhlükəsinə dair Maarifləndirmə (PSTM) layihəsi davam edir.

Layihə çərçivəsində Tərtər rayonunun Marağa kəndi və Şıxarx qəsəbəsində maarifləndirmə tədbirləri davam edir. Koordinatorlar proqram haqqında ətraflı məlumat verərək, sakinlərin öz ətraflarındakı insanları bu proqramla tanış edərək onları maarifləndirmələrinin əhəmiyyətini vurğulayıblar. Eyni zamanda, layihədə Beynəlxalq Avrasiya Mətbuat Fondunun fəaliyyətindən söz açılıb.

Qeyd edək ki, mina, onun növləri, partlayıcı və partlamamış hərbi sursatlarla bağlı təhlükəsizlik qaydaları, insanların böyük qayıdış zamanı davranış qaydaları, minalar və partlamamış hərbi sursatlarla qarşılaşdıqları zaman nə etməli olduqları haqqında vacib qaydalar iştirakçıların nəzərinə çatdırılıb. Həmçinin, əhalinin minalanmış ərazilərlə bağlı maarifləndirilməsinin çox önəmli və əhəmiyyət kəsb edən məsələ olduğu xüsusilə vurğulanıb.

Adıçəkilən ərazilərdə keçirilən tədbirlərdə 30-a yaxın uşaq, 42 nəfər kişi və 33 nəfər qadın olmaqla 100-ə yaxın sakin iştirak edib.

Maarifləndirmə tədbirlərində BAMF-ın regional koordinatorları Fariz Vəliyev, Vüqar Yusifli və Vidadi Məmmədzadə iştirak edib. Maarifləndirmə tədbirləri davam edir.

1

1

1

1

1

1

1

1

1

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...