"Nöqsanların olması gözləniləndir" - Təhsil naziri təhsil kreditlərindən danışdı - ednews.net

20 Yanvar, Cümə axşamı

"Nöqsanların olması gözləniləndir" - Təhsil naziri təhsil kreditlərindən danışdı

Cəmiyyət A- A A+

Təhsil naziri Emin Əmrullayev tələbə təhsil kreditləri ilə bağlı səsləndirilən narazılıqlara münasibət bildirib.

EDNews.net xəbər verir ki, nazir jurnalistlərə açıqlamasında kreditlərinin verilməsi üçün müraciət qəbuluna yeni başlanıldığını deyib.

Nazir qeyd edib ki, artıq bir neçə yüz tələbə prosesi tam olaraq yekunlaşdırıb, bəzilərinə hətta təsdiq də verilib: "Kreditlərin verilməsi ilə bağlı narazılıqlar bir neçə qismə bölünür. Sistem yeni olduğundan hər hansı çatışmazlıqların, qüsurların, nöqsanların olması gözləniləndir. Təbii ki, bunların aradan qaldırılması labüddür. Hesab edirəm ki, həmin problemlər zamanla aradan qaldırılacaq".

"18 yaşından aşağı olan tələbələrin kredit alması ilə bağlı narazılıq həllini tapır. Bəzi narazılıqlar isə anlaşılmazlıqla bağlıdır. Sosial problemi olanlar sosial kreditə, sosial problemi olmayanlar isə daha yüksək bal yığıb standart güzəştlərdən yararlana bilər. Bu kreditlər sosial alətlərdir. Zamanla cəmiyyətlə birgə çalışaraq vəziyyəti düzgün normal şəkildə təmin edə bilərik", - E.Əmrullayev vurğulayıb.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...