Baş Prokurorluq bir zabit, iki giziri öldürən hərbi qulluqçu barədə məlumat yayıb - ednews.net

19 Yanvar, Çərşənbə

Baş Prokurorluq bir zabit, iki giziri öldürən hərbi qulluqçu barədə məlumat yayıb

Cəmiyyət A- A A+

Dövlət Sərhəd Xidmətinin (DSX) hərbi qulluqçularını öldürən kiçik çavuş Elxan Əvəzli barəsində həbs qətimkan tədbiri seçilib.

Bu barədə EDNews.net-ə Baş Prokurorluqdan məlumat verilib.

Bildirlib ki, yanvarın 2-də, saat 18 radələrində Dövlət Sərhəd Xidmətinin Sərhəd Qoşunlarının müddətdən artıq həqiqi hərbi xidmət hərbi qulluqçusu kiçik çavuş Elxan Əvəzlinin öz xidməti silahından atəş açmaqla xidmət etdiyi sərhəd zastavasının hərbi qulluqçuları baş leytenant Yusif İsmayılovu, kiçik gizir Amil Cəlilzadəni və kiçik gizir Rəfail İbrahimovu qəsdən öldürməsi faktına görə başlanmış cinayət işi üzrə Hərbi Prokurorluğun İstintaq idarəsində istintaq aparılır.

"Bu gün Elxan Əvəzliyə Cinayət Məcəlləsinin 120.2.7-ci maddəsi ilə ittiham elan edilməklə Füzuli Hərbi Məhkəməsinin qərarı ilə barəsində həbs qətimkan tədbiri seçilib", - məlumatda deyilir.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...