İngiltərənin baş naziri Boris Consonun istefası tələb olunur.
Ednews.net xəbər verir ki, belə ki, 2020-ci ildə dünya pandemiyaya səbəbilə qapandığı bir zamanda, öz ətrafındakılar ilə əyləncə məclislərində vaxt keçirən nazir Conson Torilər və İcmalar Palatasının hədəfinə tuş gəlib. Haqqında yayılan fotoşəkillər və ittiham dolu ifadələr Baş nazirin istefaya getməsini artıq son həddə gətirib.
Nazir Conson, qapanma zamanı təxminən 100 nəfərin dəvət edildiyi bildirilən “Downing Street”-in bağçasında işki məclisində olduğunu etiraf edib. O, bu məclisdə “hər kəs öz sevdiyi içkisini gətirib parti təşkil etdi”yini deyib. İcmalar Palatasına müraciət edən Conson bu hərəkətinə görə xalq qarşısında üzr istəyib. Bundan əlavə olaraq nazir, öz yoldaşlarını qırmamaq üşün məclisdə cəmisi 25 dəqiqə iştirak etdiyini və orada işlə bağlı müzakirələr apardığını bildirib.
Buna baxmayaraq, Parlamentə müraciət edən müxalifətçi Leyboristlər Partiyasının lideri Keir Starmer, Consonun iştirakı ilə bağlı izahatını “gülünc bir bəhanə” adlandırıb. Starmer Consonun bu hərəkətini xalqa qarşı təhqir hesab edib və belə bir hökumət rəhbərinin xalqına xidmət etməsini absurd adlandırıb.
Hazırda Britaniyada bütün müxalifət partiyaları Baş nazirin istefasını qəti şəkildə tələb edir.
Elnur Ənvəroğlu