Azərbaycanda süni qiymət artımına qarşı mübarizə qanunla tənzimlənə bilər - ednews.net

28 May, Şənbə

(+994 50) 229-39-11

Azərbaycanda süni qiymət artımına qarşı mübarizə qanunla tənzimlənə bilər

Cəmiyyət A- A A+

"Haqsız rəqabət haqqında” Qanuna “süni qiymət artımı” anlayışın daxil edilə, onunla effektiv mübarizə yollarını təkmilləşdirmək məqsədilə əlavələr oluna bilər.

Bunu Ednews-a Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili deyib.

Onun sözlərinə görə, son zamanlar bazarda qitmətlərin artımı, inflyasiya tempi narahatedicidir: “Qiymət artımı obyektiv səbəblərdən yaransa da, bəzi hallarda bu şəraitdən bəhrələnmək istəyən fütsətcillər də var. Onların yaratdığı süni qiymət artımı ilə mübarizə məqsədilə icra orqanları müvafiq tədbirlət görürlər. Amma bununla yanaşı qeyd etmək lazımdır ki, bizim iqtisadi qanuncericilik aktlarımızda “süni qiymət” anlayışına onun tam mahiyyətini aça biləcək, bazar iqtisadiyyatı şəraitində onunla mübarizə yollarını tam müəyyən edə biləcək şəkildə rast gəlinmir. Bu baxımdan, “Haqsız rəqabət haqqında” qanunu təhlil edərək, qanuna “süni qiymət artımı” anlayışın daxil etmək və onunla effektiv mübarizə yollarını təkmilləşdirmək məqsədilə əlavələrin olmasını istisna etmirik".

T. Mirkişili bildirib ki, bu istiqamətdə İqtisadi siyasət komitəsində təhlillərə artıq başlanılıb.

Xatırladaq ki, Mili Məclisin İqtisadi siyasət, sənaye və sahibkarlıq komitəsinin 2022-ci il yaz sessiyası üçün iş planına “Haqsız rəqabət haqqında” qanunun təkmilləşdirilməsi daxil edilib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...