İcbari Tibbi Sığorta üzrə Dövlət Agentliyinin Xidmətlər Zərfinə daxil olan növbəti xidmət..
İcbari Tibbi Sığorta üzrə Dövlət Agentliyi tərəfindən Respublika Endokrinologiya Mərkəzi somatotrop hormonu çatışmazlığı (uşaqlarda boy hormonu çatışmazlığı) diaqnozu qoyulan 480 uşaq ödənişsiz müalicə olunur. Agentlik tərəfindən uşaqlar boy hormonu preparatı (1 adda) ilə təmin olunur.
Agentliyin Marketinq və ictimaiyyətlə əlqələr departamentinin rəhbəri Aynurə Əhmədova Ednews-a açıqlaması zamanı bildirilib ki, boy hormonu çatışmazlığının müalicəsinin İcbari tibbi sığortanın Xidmətlər Zərfinə daxil olmamasına baxmayaraq, Agentlik uşaqların fiziki inkişafdan geri qalmasının qarşısını almaq və boyqısalığı olan uşaqları erkən aşkarlamaq məqsədilə sözügedən xidməti təmin edir.
“Valideyn övladında yaşına görə boy qısalığı müşahidə etdikdə bu zaman Respublika Endokrinologiya Mərkəzinə və ya qeydiyyatda olduğu poliklinikada Ailə həkiminə müraciət etməlidir. Diaqnostik müayinələr zamanı uşaqlarda somatotrop hormon çatışmazlığı aşkarlanırsa onlar Komissiya tərəfindən yenidən müayinə olunur. Tibbi göstəriş əsasında Mərkəzə yaxınlaşaraq boy hormonu preparatı ilə təmin olunurlar“.
Dərmanlar böyümə zonalarının bağlanmasına yəni, sümük yaşı qızlarda 14, oğlanlarda isə 16 yaşına qədər ödənişsiz verilir. Görülən işlərin nəticəsi olaraq boy hormonu çatışmazlığından əziyyət çəkən uşaqlarda boy artımı baş verir.
Respublika Endokrinologiya Mərkəz tərəfindən 400 vətəndaş preparatla təmin olunub...
Respublika Endokrinologiya Mərkəzinin direktor müavini (tibb elmləri üzrə fəlsəfə doktoru) Nərmin İsmayılovanın sözlərinə görə, artıq mərkəzimiz tərəfindən bu xəstəlikdən əziyyət çəkən 400-dən çox pasient preparata təmin olunub.
“Mərkəzimiz 2020-ci ilin yanvar ayından bəri 74 uşağı boy hormonu ilə təmin edib. Boy hormonu vasitəsilə boyu çıxan uşaqları çıxmaq şərtilə sözügedən 74 uşaqdan digərləri indiyə qədər həmin preparatla təmin olunub. 2021-ci ilin avqust ayından indiyədək isə sözügedən 74 nəfər də daxil olmaqla ümumi 478 uşağı həmin preparatla təmin edilib. Təminat hər ay üç qələm şəklində keçirilir. Pasientlər mütəmadi olaraq mərkəzimizdə həkim nəzarətində olur. Boylarının artmasının sürətinə mərkəzin xüsusi pediatrları tərəfindən nəzarət edilir”.
Preparatdan pulsuz yararlanan 11 yaşlı Zeynəbin boy fərqi..
Pulsuz preparatdan yararlanan uşaqlardan biri də 11 yaşlı Zeynəb Səlimovadır. Onun anası Şəfayət Səlimovanın sözlərinə görə, avqust ayına qədər preparatı pulla alıb. Agentliyin bu təminatını bildikdən sonra avqust ayında aidiyyatı qruma müraciət edib və müraciəti dəyərləndirilib.
“Dekabr ayından başlayaraq indiyədək 7 preparat əldə etmişik. Övladım Zeynəbin boyu əvvəl 1.18 sm idisə, hazırda artaraq 1.24 olub. Qızım mütəmadi olaraq həkim müainəsinə çağırılır. Axırıncı dəfə fevral ayının 25-də Endokrinologiya Mərkəzin pediatırı tərəfindən müayinə olunub”.
Agentlik və mərkəz tərəfindən preparatla təmin olunma iyun ayı üçün də planlaşdırılır və qeyd olunan rəqəmin dəyişməsi istisna edilmir.
Zeynəb Nadirova