Son vaxtlar sosial şəbəkə üzərindən, xüsusən də Youtube vasitəsilə narkotik vasitələrini təbliğ edən filmlərə çox rast gəlinir.
Bəhs edəcəyimiz film az vaxtda hər kəs tərəfindən sevərək izlənilən ekran əsəridir. Tövsiyyə ilə mən də filmə baxmağa qərar verdim, lakin gördüklərim məni məyus etdi. Ətrafımda olanlar filmdən müəyyən epizodlar paylaşır, bir-birilərinə “ən yaxşı Azərbaycan filmidir”,- deyib, baxmağa sövq edirlər. Narkotik qurbanı olan bir qızın intiharına səbəb olan insanların axtarışından bəhs edən film, dörd bölümdən ibarətdir.
“S.Ə.S” adlanan filmdə aktyorların oyunları nə qədər təbii olsa da bəzi kadrlar film haqqında düşüncələri tamamilə dəyişir. Son bölümdə narkotikin emalı, istifadəsi və qəbulu detallı şəkildə izah edilən bu film gənclər arasında fikir mübadiləsinə səbəb olub.
Kino sahəsində belə filmlərin çəkilməsi ictimaiyyətə təbliğ etmək nə dərəcədə doğrudur?
Kinoşunas Aydın Kazımzadə hesab edir ki, belə filmlərin çəkilməsində yalnız bir məqsəd var o da narkotikanın təbliğatı.
“Əvvəl narkotik qəbuluna görə tək-tük adam tutulurdu. Amma indi günə 10-15 nəfər tutulur, hələ gizli qəbul edənləri demirəm. Onu demək istəyirəm ki, bu elə narkotikin təbliğinin nəticəsindir. İstifadə edənlərlə bərabər belə filmləri çəkənlər, iştirak edənlərə də cəza tətbiq edilməlidir. Çünki bu təbliğatdır və qarşısı alınmalıdır”.
Gənclərə təsir edən təbligat üsulu…
Sözsüz ki, bu gün sosial şəbəkələr ən gözəl reklam istehsal edən maşındır. Bu platformalarda hər bir şeyi qadağasız rahat şəkildə yaymaq olur. Sosial şəbəkə istfadəçiləri isə günü –gündən artan bir orduya bənzəyir. Çox zaman ən rahat yol kimi çox vaxt bu cür paltformalar seçilir.
Narkomaniya üzrə ekspert Emil Maqalovun da təbliğatın necə cərəyan etməsi haqqında danışıb.
“Narkotik istifadəsinin 50 faiz təbliğat yolu da elə internet vasitəsilə olur. Youtube-də yayılan videolar, filmlər, sosial şəbəkələrdə aparılan təbliğatlardır. Filmdə hər hansısa imkanlının narkotikdən istifadəsini görən insan elə zənn edir ki, o adam narkotik istifadə etdiyi üçün imkanlıdır. Yeniyetmələr, azyaşlılar başa düşmür ki, bu filmdir, həyatda belə deyil”.
Belə məsələlərin qarşısını nə cür almaq olar? Ümumiyyətlə, kino sahəsində bu cür filmlərin çəkilməsi doğrudurmu?
Bu sualımıza kinoşünas Aydın Mirzəzadə ilə cavab axtarırdıq. O, düşünür ki, əgər belə filmlər varsa, çəkilirsə, deməli buna xüsusi nəzarət yoxdur.
“Keçmişdə bir filmin icazəsi, çəkilməsi az qala bir ilə yaxın vaxta başa gəlirdi. Elə buna görə deyirlər ki, keçmişin filmlər daha yaxşıdır. Çünki o filmlərdə ideologiya var idi. İndiki filmlərdə insan tərbiyəsi, insan əxlaqı, nə olar, nə olmaz heç nə yoxdur”.
Aydın Mirzəzadənin də vurğuladığı kimi müasir filmlərimizin əksəriyyətində ideologiya yoxdur. Müasir filmlərə marağın olmamasının əsas və başlıca səbəbi də elə budur.
Məqsədsiz, yöndəmsiz çəkilən müasir Azərbaycan filmləri...
Ləman Abbaslı