1956-cı ildən bəri hər il Avropa Yayım İttifaqına üzv olan ölkələr arasında Avroviziya mahnı müsabiqəsi keçirilir. Dünyada ən çox baxılan və maraq göstərilən müsabiqə dövlətlərarası rəqabətə səbəb olub. Bu həm mədəni, həm də siyasi cəhətdən danılmazdır.
Bəs, həqiqətən müsabiqədə siyasi faktr ozünü göstərirmi?
Palitoloq İlyas Hüseynov hesab edir ki, gələn il avroviziyanın Kiyevdə keçirilməsi özü bir siyasi maraqdır.
“Ümumiyyətlə idman, musiqi yarışları göstəricidir. Bununla da musiqi, idman, incəsənət sahəsində siayəsiləşmə baş verir. Bəzən siyasi dozanın müəyyən qədər artması ikrah hissi doğurur. Dünyada gedən qlobal mübarizə, siyasi qarşıdurmalar, ziddiyyətlər avroviziya musiqi yarışmasına təsir göstərir. Bu il Ukraynanın səs çoxluğu ilə qalib olması onu göstərir ki, musiqi yarışmasında siyasi çalarlar çox güdülür. Hətta Rusiyanın yarışmadan kənarlaşdırılması bir növ dövlətə qarşı məhdudiyyətidir. Ukraynanın qalib olması gələn il Avroviziyanın Kiyevdə keçirilməsi deməkdir. Bu da Ukraynanın gələn il üçün iqtisadi, siyasi və hərbi dəstək deməkdir”.
Müsabiqənin izləyici kütləsi hər il 100 və 600 milyon arasında dəyişdiyini nəzərə alsaq deyə bilərik ki, yarışmanın keçirilmə səbəbindən asılı olmayaraq, müəyyən kütləyə sahibdir və dünyaya səs sala bilən ən uyğun müsabiqədir. Hazırda “Avroviziya” dakı böyük qalmaqal göstərdi ki, müsabiqə geosiyasətdən kənarda qala bilməyib. Qələbənin siyasi addımla da olsa Ukraynaya verilməsini dəstəkləyən deputat Fazil Mustafa politoloq İlyas Hüseynovla eyni fikri bölüşüb.
“Əlbəttə bu təkcə mədəniyyət deyil, bilavasitə siyasi layihədir. Düzdür, iştirakçılar peşəkarlıq səviyyələri çox yaxşıdır. Onu deyə bilərəm ki, siyasi də olsa qalibiyyətin Ukraynaya verilməsi çox yaxşı addım idi. Mənəvi cəhətdən Ukraynanın sıxıntılarını dəstəkləmək üçün bu addım normal qəbul olunmalıdır. Peşəkarların Böyük Britaniyaya səs versə də, kütlə Ukraynaya dəstək oldu. Bu da ölkənin duyğusal tərəflərindən qaynaqlanır”.
Qeyd edək ki, İtaliyanin Turin şəhərində keçirilən 66-cı "Avroviziya-2022" beynəlxalq mahnı müsabiqəsində 631 səslə Ukrayna bütün rəqiblərini qabaqlayaraq müsabiqənin qalibi olub.
Ləman Abbaslı
