Azərbaycan Respublikası Ədliyyə Nazirliyinin, Media İnkişaf Agentliyinin, Azərbaycan Hakimlər Assosiasiyaları İttifaqının təşkilatçılığı ilə media nümayəndələri üçün "Ədliyyə orqanlarında və məhkəmələrdə kommunikasiya siyasəti" mövzusunda birgə təlim keçirilib.
Ednews xəbər verir ki, təlimdə Medianın İnkişafı Agentliyinin media subyektləri və jurnalistlərlə iş şöbəsinin müdiri Natiq Məmmədli çıxış edib.
O, ölkəmizə qarşı stereotiplərin dəyişməsində jurnalistlərin fəaliyyətinin əhəmiyyətini vurğulayıb.
N. Məmmədli qeyd edib ki, media etikasindan kənarda ciddi jurnalistika yoxdur.
"Biz mütəmadi olaraq təlimlər keciririk. Ötən ilki təlimlərdə 600 jurnalist iştirak edirdisə, bu il 800 jurnalist yeni bilik və bacarıqlara yiyələnəcək. Bugünkü təlimdə 35 jurnalist iştirak edir. Bu təlim ölkəmizin huquq sistemi üçün kifayət qədər faydalı olacaq".
Xatırladaq ki, Azərbaycan Respublikası Ədliyyə Nazirliyinin, Media İnkişaf Agentliyinin, Azərbaycan Hakimlər Assosiasiyaları İttifaqının təşkilatçılığı ilə media nümayəndələri üçün "Ədliyyə orqanlarında və məhkəmələrdə kommunikasiya siyasəti" mövzusunda təlim keçirilir.
