Qazaxıstanın Türküstan şəhərində “Türk xalqlarının İslam sivilizasiyasına töhfələri” mövzusunda beynəlxalq elmi-praktik konfrans öz işinə başlayıb.
Ednews xəbər verir ki, tədbirdə Qafqaz Müsəlmanları İdarəsinin (QMİ) sədri Şeyxülislam Allahşükür Paşazadənin rəhbərlik etdiyi nümayəndə heyəti iştirak edir.
O, bu görüşün əhəmiyyətini qeyd edərək, Türk Dövlətləri Təşkilatına (TDT) üzv ölkələrin dini idarə rəhbərlərinin növbəti tədbirinin oktyabrın əvvəlində Azərbaycanda keçirilməsini təklif edib:
“Növbəti tədbir erməni işğalçılarından azad edilmiş Şuşa şəhərində keçirilməli, burada mühüm qərarlar qəbul edilməlidir”.