"Mediasiya haqqında qanunvericilik müəyyən mənada tərəflərə hakimin əvəzinə qərar qəbul etmək kimi bir imkan yaradıb".
Ednews xəbər verir ki, bu sözləri “Məhkəməyə qədər mübahisələrin həllində mediasiyanın rolu” mövzusunda çıxışı zamanı Mediasiya Şurası İdarə Heyətinin sədri Nadir Adilov bildirib.
Mediatorların sayına diqqət çəkən Nadir Əliyev ölkədə ədliyyə institutunda kursları bitirən 224 mediatorun fəaliyyət göstərdiyini bildirib.
"Bu sahədə mətbuat da bizə kifayət qədər dəstək olur. 7 mediatorla bağlı şikayətlərin 4-ü mətbuatdan daxil olub. Ailə münaqişələri ilə bağlı 15018 müraciət daxil olub, onun 395-i barışıq sazişi ilə nəticələnib. Əmək mübahisələri ilə bağlı bizə 596 müraciət daxil olub, 75 barışıq sazişi olub. Kommersiya mubahisələrinə görə isə on beş mindən çox müraciət daxil olub".
Xatırladaq ki, Azərbaycan Respublikası Ədliyyə Nazirliyinin, Media İnkişaf Agentliyinin, Azərbaycan Hakimlər Assosiasiyaları İttifaqının təşkilatçılığı ilə media nümayəndələri üçün "Ədliyyə orqanlarında və məhkəmələrdə kommunikasiya siyasəti" mövzusunda təlim keçirilir.
