May ayının 19-da Beyləqan rayonunda PSTM layihəsini həyata keçirən regional koordinator Zaur Quliyevin təşəbbüsü ilə Tərtər, Ağdam və Kəlbəcər rayonlarını təmsil edən psixoloqlar üçün təlim təşkil edildi.
Ednews xəbər verir ki, onlara fəaliyyət göstərdikləri yerlərdə iş apararkən mina və PHS-lər barədə maarifləndirmə fəaliyyəti ilə bağlı məlumatlandırma çərçivəsində təlim keçildi.
Tədbirdə iştirak edən 19-35 yaş arası 32-si qadın, 3 nəfəri kişi olmaqla 35 psixoloqa işğaldan azad edilmiş yerlərə səfər edəcək arıçı və heyvandarlıq təsərrüfatı sahiblərinə maarifləndimə tədbiri həyata keçirmələri tövsiyyə edilib. Təlim zamanı onlara 33 ədəd poster və 100 ədəd buklet verilmişdir.
Bunula yanaşı Goranboy rayonu və orada məskunlaşmış məcburi köçkün məktəblərinin psixoloqları da mina/PHS təhlükəsizliyilə bağlı məlumatlandırılıb.
Maarifləndirici tədbirlər zamanı mina və partlamamış hərbi sursatların təhlükəsi, törədə biləcəyi xəsarətlər, eləcə də şübhəli vəziyyətlərdə davranış qaydaları barədə məlumat verilib.
Qeyd edək ki, Goranboyda təşkil olunan təlimdə 22-65 yaş arası 32-si qadın, 6 nəfəri isə kişi olmaqla 38 psixoloq iştirak edib. Bu psixoloqlar da maarifləndirici materiallarla təmin edilib.
20 may tarixində isə Daşkəsən, Kəlbəcər, Şəmkir və Göygol rayonundan olan psixoloqlara PSTM layihəsi çərçivəsində təlim təşkil olunub, iştirakçılara PSTM-lə bağlı məlumat verilib və onlar tələb olunan sayda maarifləndirmə materialları ilə təmin edilib.
Bu təlimdə isə 19 – 35 arası 26 qadın, 1 nəfər kişi; 36 – 55 yaş qrupundan 6 qadın; 56-dan yuxarı yaş qrupundan olan 2 nəfər olmaqla cəmi 35 nəfər (33qadın, 2 kişi) iştirak edib.
.jpeg)
.jpeg)
