Əmək kitabçasının dövriyyədən çıxarılması məsələsi yenidən aktuallaşıb. Dövlət Məşğulluq Agentliyinin sədri Mustafa Abbasbəyli əmək münasibətləri zamanı kağız üzərində aparılan bütün əməliyyatların elektron qaydada həyata keçiriləcəyini açıqlayıb. Hüquq müdafiəçisi Sahib Məmmədov Ednews-a açıqlamasında bildirdi ki, 2014-cü ildən işləyən hər kəsin məlumatı elektron formada yerləşdirilib. 

“2014-cü ildən əmək müqaviləsi ilə işləyən hər kəsin şəxsi məlumatları elektron sistemdə var.  Onu da qeyd edim ki, əmək kitabçası ləğv olunmur, dövriyyədən çıxarılır. Bu o deməkdir ki, iş yerində uçotu aparılmayacaq, əmək kitabçası tələb olunmayacaq və s...  Amma iki yerdə tələb oluna bilər. 

1- 2006-cı ilə qədər iş stajı olanlar, pensiyaya çıxanda 

2- Bəzi hakimlik, vəkkillik kimi iş yerlərində stajı göstərmək üçün lazım olacaq. Burada hesabla təyin olunmuş Cv rolu oynayır. 

Bəs, 2014-cü ilə qədər əmək kitabçası ilə işləyənlər necə? Onların məlumatları elektron ünvana yerləşdiriləcəkmi?

“O ki qaldı indiyədək əmək kitabçası ilə işləyənlərə.. Onlar əmək kitabçasını saxlamalıdırlar. Yəni bu sənəd statusunu itirmir. Bu mənada 2014-cü ilə qədər yazılan əmək kitabçasını lazım olanda göstərə bilərlər”.

Ləman Abbaslı