Daxili İşlər Nazirliyi (DİN) Daxili Qoşunların hərbçisi, çavuş Əzizağa Umarov Ağdam rayonunda minaya düşüb.
Bu barədə Ednews-a DİN-in Mətbuat Xidmətindən məlumat verilib.
Bildirilib ki, Ə.Umarov Çəmənli kəndi ərazisində xidməti vəzifəsini yerinə yetirən zaman minaya düşərək xəsarət alıb. Daha sonra yaralı hospitala yerləşdirilib, müalicəsi davam etdirilir.
Qeyd edək ki, faktla bağlı Ağdam Hərbi Prokurorluğunda araşdırma aparılır.