Norveçdə "Xarıbulbul və Qarabağ" milli geyim kolleksiyası nümayiş etdiriləcək - ednews.net

5 İyul, Çərşənbə axşamı

(+994 50) 229-39-11

Norveçdə "Xarıbulbul və Qarabağ" milli geyim kolleksiyası nümayiş etdiriləcək

Cəmiyyət A- A A+
Mayın 29-da Norveçin paytaxtı Osloda Azərbaycan Milli Geyim Mərkəzinin rəhbəri, sənətşünaslıq üzrə fəlsəfə doktoru, tanınmış modelyer Gülnarə Xəlilovanın "Xarıbulbul və Qarabağ" milli geyim kolleksiyası nümayiş etdiriləcək.
 
Ednews xəbər verir ki, tədbir Norveç Azərbaycanlıları Gənclər Təşkilatı (NAYO) və Oslo Azərbaycan Evinin təşkilatçılığı ilə paytaxt şəhərin məşhur "Cosmopolite" səhnəsində nümayış olunacaq.
 
G.Xəlilova bildirib ki, kolleksiyanın təqdimatı Azərbaycanın Müstəqillik Gününə və “Şuşa ili”nə həsr olunub: "Bu il 50 illik yubileyimi qeyd edirəm və "Xarıbülbül və Qarabağ" kolleksiyamın Norveçdə təqdimatı əlamətdar hadisə olacaq. Bütün yaradıcılıq fəaliyyətim boyu həmişə milli dəyərləri təbliğ etməyə, Azərbaycan milli geyim ənənələrini qoruyub saxlamağa və inkişaf etdirməyə çalışmışam. Bizim gözəl mədəniyyətimiz, adət-ənənələrimiz bütün dünyada tanınmalıdır”.
 
Xatırladırıq ki, bundan əvvəl Gülnarə Xəlilovanın kolleksiyaları moda həftələrində və beynəlxalq tədbirlərdə Türkiyə, Rusiya, Çin, Avstriya, Rumıniya, Böyük Britaniya, Qazaxıstan, Qırğızıstan, Özbəkistan, ABŞ, Bolqarıstan, İsveç və digər ölkələrdə uğurla təqdim olunub.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...