Azərbaycanda təmirə ehtiyacı olan məktəblərin siyahısı hazırlanır.
Ednews xəbər verir ki, bunu jurnalistlərə açıqlamasında təhsil naziri Emin Əmrullayev deyib.
O bildirib ki, bununla bağlı nəticələr iki həftəyə hazır olacaq.
“Hər şey planlaşdırıldığı kimi getsə, ilin sonuna biz modul tipli məktəblərin ölkə ərazisində hamısının inşasını bitirəcəyik. Söhbət şagird sayı 100-ə qədər olan məktəblərdən gedir.
Digər məktəblərlə bağlı isə bu il başa vurulacaq bir çox layihələndirmə olmaqla, növbəti illərdə də maksimal sayda məktəblərin təmirini nəzərdə tuturuq. Təmir işlərinə bu il 105 mln. manat, daha sonra isə 57 mln. manatadək vəsait xərclənəcək”, - deyə nazir qeyd edib.