Xalq artisti Kazım Abdullayev şantaj olunduğunu iddia edib.
Ednews xəbər verir ki, bu barədə o, Facebook hesabından məlumat verib. Aktyor naməlum şəxslərin onu şantaj edib pul istədiklərini bildirib.
“Əziz dostlar son vaxtlar məni erotik videolarla şantaj edirlər! Məndən pul tələb edirlər! Bu nə mənim yaşıma nə də statusuna yaraşmayan bir işdir! Hamınız məni gözəl tanıyırsız!”
O, həmçinin belə ağır zamanlarında ona bu cür ismarıcların yazılmasından bərk narahat olduğunu da vurğulayıb.
“Mənim bu ağır vaxtımda mənim qardaş və bacı itirdiyim bir zamanda üstümə gəlirlər! Kimin mənə qarşı təxribatı olduğunu bilmirəm! Əgər pul verməsəm dostlara videonu göndərəcəkləri ilə şantaj edirlər! Huquq mühafizə orqanlarındanda xahiş edirəm bu işdə mənə yardım etsinlər!”
Qeyd edək ki, K.Abdullayev ötən ay qardaşı Suleymanı, bir neçə gün əvvəl isə bacısı Rədilə xanımı itirib.
Ləman Abbaslı
