Dünyada yenidən koronavirusun "omikron" ştamının yeni mutasiya növünün yayılması ÜST-ün baş direktoru Tedros Adhanom Qebreyesus pandemiya ilə mübarizə üçün maska rejiminə qayıtmağın vacib olduğunu açıqlayıb.
Bəs, Azərbaycanda necə? Ölkəmizdə maska rejiminə keçmək gözləniləndirmi?
Hər kəsə maraqlı olan mövzunu şərh edən həkim-terapevt Rasif Bağırov bildirib ki, gələcəkdə yenidən qoruyucu tədbirlər görülə bilər. O, bu barədə Ednews-a açıqlaması zamanı deyib.
“Azərbaycanda yenidən pandemiya dövrünü yaşamaq, maskadan istifadə ancaq ehtimal oluna bilər. Çünki hazırda koronavirusa yoluxma çox azdır və belə qoruyucu tədbirlərin həyata keçirilməsinə ehtiyyac yoxdur. Amma hazırda az rast gələnən yoluxma gələcəkdə artsa qoruyucu tədbirlər yenidən gündəmə gələ bilər. Ancaq hazırki vəziyyət elə də ciddi deyil və məhdudlaşdırmaya keçməyə ehtiyyac yoxdur”.
Maska rejimi yenidən aktuallaşarsa, bu vətəndaşlar tərəfindən necə qarşılanacaq? Həkim-terapevt qeyd edib ki, tətbiq gerçəkləşərsə, qaydalara məcburi şəkildə əməl olunmalıdır.
“Yenidən maska rejiminin tətbiqi, müəyyən məhdudiyyətlərin qoyulması əlbəttə ki, arzuolunan deyil. Əminəm ki, heç bir ağıllı insan buna sevinməz. Amma belə tədbirlərə zərurət yarandısa, insanın arzusu nəzərə alınmır. Ona görə ki, bu ümummilli təhlükəsizlik məsələsidir və başqalarını yoluxdurmağa insanın ixtiyarı yoxdur. Bun da məcburi qaydada əməl olunacaq deməkdir”.
Ləman Abbaslı