Son günlər mətbuatın gündəmində əsas mövzulardan biri qazilərə əlillik təyinatı ilə bağlıdır. Müharibədə yaralananlar bildirirlər ki, əlillik dərəcələrinin verilməsində bir sıra problemlərlə üzləşirlər.
Bu sahədə hansı işlər aparılır?
Məsələ ilə bağlı Dovlət Tibbi Sosial Ekspertiza və Reabilitasiya Agentliyin ictimaiyyətlə əlaqələr şöbəsinin müdiri Tural Qurbanov Ednews-a acıqlamasında bildirib ki, istər şəhid aillərin, istərsə də qazilərin həyat şəraitin yaxşılaşdırılması istiqamətində, o cümlədən hökümət tərəfindən müsbət addımlar atılıb.
“Vətən müharibəsindən sonraki dövrdə dövlət başçısının tapşırığına əsasən Əmək və Əhalinin Sosial Müdafiəsin Nazirliyi tərəfindən genişmiqyaslı sosial dəstək tədbirləri icra edilir. Postmüharibə dövründə sosial dəstək tədbirləri 100 min şəxsi əhatə edib, onlara 191 min xidmət göstərilib. Müharibədən sonra elə ilk günlərdə Əmək və Əhalinin Sosial Müdafiəsi Nazirliyinin tabeliyindəki Dövlət-Tibbi Sosial Ekspertizas və Reabilitasiya Agentliyinin əməkdaşları müharibədə yaralanmış hərbçiləri evlərində və ya müalicə aldıqları xəstəxanalarda ziyarət edərək , ilkin müayinə və qeydlər aparıblar. Növbəti mərhələdə aidiyyəti qurumların nümayəndələrindən ibarət Komissiya tərəfindən həmin qazilərin əlilliyin qiymətləndirilməsi üçün operativ sənədləşdirmə işlər yerinə yetirilib’’.
TSEK nümayəndəsi həmçinin bildirib ki, qurumun həkim məsləhət Komissiyası tərəfindən əyani müayinə nəticəsində 3151 qaziyə əlillik və sosial ödənişlər təyin olunub. Ümumilikdə isə son 3 ildə 160 mindən çox əlillik təyinatı həyata keçirilib. Bu ilin 6 ayında da əvvəlki illərin müvafiq dövrləri ilə müqayisədə 2-3 dəfə çox-35 mindən çox şəxsə əlillik təyin edilib. Bundan başqa Tural Qurbanov qazilərin reabilitasiyası məsələsinə toxunub və qeyd edib ki, nazirlik tərəfindən təchiz olunmuş müasir reabilitasiya mərkəzlərində bu istiqamət üzrə qazilərə keyfiyyətli xidmətlər göstərilir.
‘’Müharibədə yaralanan qazilərin keyfiyyətli reabilitasiya xidmətlər ilə təminatı prioritet fəaliyyət istiqamətidir və nazirliyin son illərdə müasir tələblərə uyğun qurularaq təchiz olunan 12 reabilitasiya müəssisəsi bu sahədə mühüm potensial rolunu oynayır. Bu mərkəzlərdə postmüharibə dövründə 2506 qaziyə səmərəli reabilitasiya və sosial-psixoloji xidmətlər göstərilib. Vətən müharibəsində yararlanaraq əzalarını itirən 200 qazinin, ümumilikdə 324 müharibə əlilinin yüksək texnologiyalı son nəsil elektron protezlərlə təminat proqramı uğurla icra olunub”.
Xaliq Quliyev
