Qəbələnin Laza kəndində İNSİDENT - SAXLANILANLAR VAR - ednews.net

30 Sentyabr, Cümə

(+994 50) 229-39-11

Qəbələnin Laza kəndində İNSİDENT - SAXLANILANLAR VAR

Cəmiyyət A- A A+
Qəbələnin Laza kəndi yaxınlığında insident baş verib. 
 
Ednews xəbər verir ki, bir neçə gün əvvəl polis əməkdaşları Laza kəndində “Ural” markalı yük avtomobilinin Dəmiraparan çayının içi ilə dağın zirvəsinə doğru hərəkət etdiyini və yük yerində 20-25 nəfər daşıdığını aşkar ediblər.  
 
“Qafqazinfo.az”ın məlumatına görə, dərhal yük maşını saxlanılıb.  
 
Məlum olub ki, avtomobilin sənədləri qaydasında deyil, texniki təhlükəsizlik qaydalarına əməl olunmayıb. Sürücü kabinasında olan 2 nəfər isə özlərini tur rəhbəri kimi təqdim edərək səs-küy salıb.  
 
Bu zaman insident baş verib və polis əməkdaşları onlara müqavimət göstərən şəxsləri saxlayaraq Qəbələ Rayon Polis Şöbəsinə aparıblar.  
 
Məlum olub ki, saxlanılan şəxslər Kərimov Vüqar və Salmanov Elman adlı vətəndaşlardır. Onların barəsində İnzibati Xətalar Məcəlləsinin 535-ci (Polisin qanuni tələbinə qəsdən tabe olmama) maddəsi ilə inzibati protokol tərtib edilib və məhkəməyə göndərilib. 
 
Məhkəmədə bildirilib ki, saxlanılan şəxslər Lazadan Mucuq şəlaləsinə turistləri hər birindən 20 manat müqabilində texniki tələblərə cavab verməyən “Ural” markalı yük maşının kuzasında şəlaləyə aparırmış. 
 
Onlar bildiriblər ki, Mucuq şəlaləsinə qalxan yolu əl əməyi ilə açıblar və xeyli iş görüblər. Məhkəmə saxlanılan şəxslərin hər ikisinə pul cəriməsi təyin edərək sərbəst buraxıb. 


Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...