Ötən gün vəfat edən Vətən Müharibəsi qazisi, 2-ci qrup Vətən Müharibəsi əlili Ayaz Nəcəfov Xaçmaz rayonunun Xaspoladoba kənd qəbristanlığında dəfn edilib.
Ednews Bizim.Media-ya istinadən xəbər verir ki, dəfn mərasimində qazi yoldaşları, şəhid ailələri, Xaçmaz RİH başçısının 1-ci müavini Anar Oruclu və aparat işçiləri, ictimaiyyət nümayəndələri iştirak edib.
Mərhum Ayaz Nəcəfov qazi və döyüşçü yoldaşları, şəhid ailələri, RİH-in Vətən Müharibəsi iştirakçıları və şəhid ailələri ilə iş şöbəsinin əməkdaşları tərəfindən böyük ehtiram və hörmətlə torpağa tapşırılıb. Ruhuna dualar oxunub.
Qeyd edək ki, 32 yaşlı Ayaz Nəcəfov Vətən Müharibəsində Şuşa istiqamətində gedən döyüşlərdə fəal iştirak edib.
O, Azərbaycan Prezidenti İlham Əliyev tərəfindən "Şuşanın azad olunmasına görə" və "İgidliyə görə" medalları ilə təltif edilmişdi.
Mərhum 3 uşaq atası idi. O, ötən gün M.A.Topçubaşov adına Elmi Cərrahiyyə Mərkəzində əməliyyat zamanı vəfat etmişdi.
Allah rəhmət eləsin!
