Ednews “Əl-Cəzirə” Media Şəbəkəsinin aparıcı jurnalisti, peşəkar təlimçi Məhəmməd Qulam Boubanın “Azərbaycanda minalar”la bağlı yazısını təqdim edir.
Azərbaycanda mina partlayıcı səsindən yüksək səs yoxdur. Qızğın müzakirələr, müxtəlif məkanlarda qurulan görüşlər və maarifləndirmə səyləri...
Pusquda gizlənmiş olan qaçılmaz minaların tapılması doğma yurdları üçün darıxan ürəklərin geri qayıdışına mane olur.
Azərbaycandakı hazırki vəziyyət ermənilərin sarsıdıcı məğlubiyyətindən sonra Qarabağ bölgəsindəki yüzminlərlə minalara qarşı mübarizə aparmaq və onların törətdikləri sayəsində evlərindən didərgin salınan köçkünlərin yenidən öz evlərinə qayıtmasından ibarətdir.
Sentyabr 2020-ci ildə başlamış və noyabr ayında möhtəşəm qələbə ilə nəticələn İkinci Qarabağ müharibəsindən sonra bir çox ərazilər və rayonlar geri qaytarıldı. Hökümət azad edilmiş topraqları on minlərlə mina və partlamamış hərbi sursatlardan təmizləyib. Deyilənlərə görə, xüsusilə Tərtər, Ağdam, Şuşa, Xocavənd, Füzuli, Qubadlı, Cəbrayıl və Zəngilan rayonlarında hələ də bir milyondan çox mina saxlanmaqdadır.
Azərbaycan hökuməti və onun siyasi, təhlükəsizlik və inzibati silahlanması zamanla yarışmaqdadır.
Sentyabrın 5-i Azərbaycan Respublikası Minatəmizləmə Agentliyinin rəsmiləri regiona “böyük qayıdış” üçün göstərilən səylərin yüksək səviyyədə davam etdiyini açıqlayıb.
Bu sözlər Azərbaycan Respublikası Minatəmizləmə Agentliyinin yeni loqosunun təqdimatı zamanı deyilib. Təqdimatda beynəlxalq təşkilatlar, xarici səfirliklərin nümayəndələri, bir çox vətəndaş cəmiyyəti təşkilatlarının rəhbərləri iştirak edib.
Təqdimat zamanı ANAMA-nın İdarə Heyətinin sədri Vüqar Süleymanovun sözlərinə görə, İkinci Dünya Müharibəsindən sonra 50 min hektardan çox ərazi minalardan təmizlənib.
O qeyd edib ki, Fövqəladə Hallar nazirliyinin əməkdaşlarının minaların aşkar edilməsində rəhbərlik etdiyi qurumla bərabər iştirak etdiyini və bu günədək 67 min mina, silah və partlamamış hərbi sursatın zərərsizləşdirildiyini və bu istiqamətdə işlərin davam etdirildiyini diqqətə çatdırıb.
Əl-Cəzirə Media Şəbəkəsinin İctimai Azadlıqlar və İnsan Haqlarına istinadən Ednews xəbər verdiyi məlumata görə, tədbirin gedişatında ANAMA-nın İdarə Heyətinin sədri Vüqar Süleymanov dövlətin
hazırda işğaldan azad olunmuş torpaqlarda bir sıra infrastruktur layihələrin həyata keçirdiyini vurğulayıb.
V.Süleymanov Azərbaycan Respublikasının Prezidenti İlham Əliyevin İkinci Qarabağ müharibəsindən sonra imzaladığı “Sosial və iqtisadi rifah üsullarının işlənib hazırlanması haqqında” bəyannaməyə toxunaraq, qeyd etdiki: "İnsanların öz evlərinə qayıtma işlərinin gecikdirilməsinə gəldikdə, bunun həmin ərazilərin minalardan tamamilə təmizlənmədən qabaq baş verməsi imkansızdır. Bu insanların təhlükəsizliyini və rifahını təmin etmək üçün edilir".
Həmçinin, tədbirdə çıxış edən Beynəlxalq Avrasiya Mətbuat Fondunun Prezidenti Umud Mirzəyev, ANAMA-nın gördüyü işləri yüksək qiymətləndirərək, onların fəaliyyətə başladığı ilk gündən təmas xəttinin yaxınlığında birbaşa mina təmizləməylə məşğul olduğunu öz gözləri ilə şahid olduğunu vurğulayıb.
Erməni hərbçiləri əvəzinə mina xəritəsi
Bu yaxınlarda Azərbaycan insanlıq prinsiplərini əsaslanaraq, 10 erməni hərbi əsirini minalanmış ərazilərin xəritələrini əldə etmək müqabilində rus sülhməramlılarının vasitəsilə İrəvana təhvil verib.
Dövlətin göstərdiyi səylərlə bərabər, vətəndaş cəmiyyəti təşkilatları da bu işlərin görülməsində fəal iştirak edirlər.
Sentyabrın 1-ində Beynəlxalq Avrasiya Mətbuat Fondunda bir çox müəssisələrin təşkilatçılığı ilə "Böyük qayıdış və yurdlara dönüş" mövzusunda ictimai müzakirə keçirilmişdi.
2008-ci ildə imzalanan 110 ölkə tərəfindən ratifikasiya edilmiş Kasetli Sursatlar Konvensiyası kaset sursatlarını tamamilə qadağan edir və onları kaset sursatlarının qalıqlarını atmaq və qurbanlarına kömək etmək öhdəliyini öz üzərinə götürür.
Rəna Mürşüd