Azyaşlı qızların kabusu - erkən nikah: Qarşısı necə alınmalıdır? - ednews.net

27 Noyabr,

(+994 50) 229-39-11

Azyaşlı qızların kabusu - erkən nikah: Qarşısı necə alınmalıdır?

Cəmiyyət A- A A+

Xəbər verdiyimiz kimi Dövlət Statistika Komitəsi tərəfindən hazırlanan "Azərbaycan gəncləri" statistik məcmuəsində qeyd edilib ki, ötən il nikaha daxil olan bəylərdən 35418-i 15-29 yaşda olub. Nikaha daxil olanlardan bəylərdən biri 15-17, 169-u 18-19, 9842-si 20-24, 25406-sı 25-29 yaşda olub.2021 nikaha daxil olan gəlinlərin sayı 46708 olub. Onlardan 137-si 15-17, 11399-u 18-19, 22642-si 20-24, 12530-u 25-29 yaşında olub.

Maraqlıdır ki, azyaşlıların erkən nikaha daxil olmasının qarşısının alınması üçün hansı tədbirlər görülməlidir?

Ednews mövzu ilə bağlı tanınmış şəxslərin münasibətini öyrənib. Cavabları təqdim edirik.

Azərbaycan Uşaqlar Birliyinin sədri Kəmalə Ağazadə açıqlamasında bildirib ki, qeyri-qanuni münasibətlərdən dünyaya gələn uşağın bioloji atasının yaşını öyrənəndə onun əsl yaşı məlum olur.

“Yəqin ki, bu, bizim dəyər verdiyimiz xoşagəlməz keçmişin qalıqlarıdır. Qanunu əsas götürməyib,  “mənim nənəm də on üç yaşında ərə gedib” kimi prinsiplərlə yanaşılanda fəsadlar yaranır. Ailə modellərini yoxlamaq, həmin dəyərlərin tənzimlənməsi üçün insanların maariflənməsi lazımdır. Birinci həmin ailələri siyahıya alıb daha sonra ciddi tədbir görülməlidir”. 

Ailə, Qadın və Uşaq Problemləri üzrə Dövlət Komitəsinin İnformasiya və analitik araşdırmalar şöbəsinin müdiri Elgün Səfərov qeyd edib ki, uşaq nikahlarını aradan qaldırılması məqsədilə Azərbaycan Respublikası davamlı işlər aparır.

“Hesab edirəm ki, Azərbaycanda son 10 il ərzində yaxşı təcrübə formalaşıb. Uşaq nikahlarının sayı on dəfə aşağı düşüb. 2010-2012 ci illərdə təxminən 1800-2000-ə yaxın uşaq nikahları var idisə, 2021-ci ilin statistikasına görə uşaq nikahlarının sayı 137 fakt təşkil edib. Azərbaycanı qonşu ölkələrlə müqayisə etsək, erkən nikahların sayının daha aşağı olmasını görə bilərik. Buna baxmayaraq, uşaq nikahlarının sayı 10 dəfə aşağı düşüb, amma 137 faktın olması da qane edici durum deyil. Ona görə də uşaq nikahlarının qarşısının alınması məqsədilə Statistika Komitəsinin Daxili İşlər Nazirliyinin məlumatlarına əsasən biz də öz araşdırmalarımızı aparırıq. Hansı rayonlarda bu hallara daha çox təşkil edirsə orada mübarizə işlərimizi gücləndiririk”.

Ayan Rzayeva



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...