Paytaxtda havalar kəskin soyuması taksi qiymətlərinin də qiymətlərinin artımı ilə müşahidə olunur. Hava qeyri-sabit olanda dəhaltaksi xidmətinə olan təlabatlar artıb. Yaranan tələbat və nəqliyyatın sıxlığı nəticəsində taksi xidməti göstərən şirkətlər məsafədən aslı olaraq müvafiq istiqamətlərdə qiymətlərini artırırlar.
Qiymətlərin bu cür artımı isə cəmiyyətdə birmənalı qarşılanmır, çünki məcbur taksidən istifadə edən müştəri ikiqat xərcə düşməli olur. Taksi xidmətlə nə qədər çox olsa da, kəskin hava şəraitində bu qiymətlər 2 qat, hətta 3 qat artmış olur. Görəsən bu qiymətləri süni yolla, yoxsa qanuni yolla qaldırılır? Bəs, ümumilikdə bütün bunlara nəzarət edən hansı qurumdur?
Mövzu ilə əlaqədar nəqliyyat eksperti Elməddin Muradlı, Ednews-a açıqlaması zamanı bildirib ki, kəskin dəyişkən hava şəraitində taksi qiymətlərində artım adi haldır.
“Taksi şirkətlərinin müxtəlif tarifləri mövcuddur. Məsələn, gecə-gündüz, sıxlığa və hava şəraitinə uyğun tariflər var. Pis havada maşın sürmək sürücü üçün böyük bir riskdir. Adi şəraitdə 10 dəqiqəyə qət edəcəyi yola 5 azn verdiyi zaman, belə hava şəraitində həm yola sərf etdiyi vaxt uzanacaq, həm də təbii ki qiymət də artacaq.
Ekspert həmçinin bu halların qanunla tənzimlənməsinin vacibliyini də vurğulayıb: “Əlbəttə ki, qiymətin müəyyənləşdirilməsində özbaşınalıq olmamalıdır. Yaxın gələcəkdə Rəqəmsal İnkişaf və Nəqliyyat Nazirliyi tərəfindən xüsusi tariflə müəyyənləşdiriləcək. Bütün şəraitlərə uyğun tariflər artıq dövlət tərəfindən tərtib ediləcək. Bununla da sui-istifadə halları və özbaşınalıq aradan qaldırılacaq”.
O həmçinin vurğulayıb ki, “İctimai nəqliyyat növündən yalnız metrolar dövlətin nəzarətindədir. Qalan digər nəqliyyat vasitələri özəl şirkətlərin öhdəliyindədir”.
Bolt şirkətinin Sahibkarlarla iş üzrə mütəxəssisi Hicran Hasilovun sözlərinə görə, qiymətlər baş ofis tərəfindən tənzimlənir.
“Dəyişkən havalarda qiymət artımı proqramın alqaritması ilə əlaqəlidir. Alqoritmaya əsasən yalnız dəyişkən hava şəraitində deyil, müştəri sayının sürücü sayından çox olduğu istənilən ərazidə istənilən vaxt baş verə bilər. Məsələn, əgər stadiondan 5000 adam birdən taksi sifariş verərsə, qiymət artımı o zaman baş verəcək”.
Məsələ ilə bağlı Rəqəmsal İnkişaf və Nəqliyyat Nazirliyinə sorğu ünvanladıq. Müraciətimizı əsasən qurumun mətbuat katibi Pərvanə Əliyeva bildirdi ki, sorğumuz aidiyyatı şöbəyə yönləndirib, tezliklə nazirlik məsələ ilə bağlı rəsmi mövqe bildirəcək.
Məsələni diqqətdə saxlayacağıq.
Rəna Mürşüd