“Azərbaycan vətəndaş cəmiyyəti qurumlarının rus sülhmərmalı qüvvələrinin yerləşdiyi əraziyə girişi bloklanıb. Canlı sərhəd yaranıb. Bizi monitorinq aparmağa qarşı mane olurlar”.
Bu sözləri hazırda Laçın-Şuşa yolunda aksiya iştirakçısı Beynəlxalq Avrasiya Mətbuat Fondunun prezidenti, ANAMA yanında ictimai şuranın sədri Umud Rəhimoğlu Ednews-a açıqlaması zamanı deyib. O, qeyd edib ki, Aleksandr Volkovun izahat verməsini tələb edirik.
“Volkov da nə izahat verir, nə də bura gəlir. Hesab edirəm ki, aksiya artıq öz nəticəsinə nail olub. Mən bura bu gün gəlmişəm. Bizim çevrəmizdə 30-a yaxın insan, o cümlədən mina təhlükəsizliyi proqramında çalışan əməkdaşlar, minadan zərər çəkənlər, ANAMA-nın üzvləri ilə birgə aksiyada iştirak edirik. Eko fəallar, QHT nümayəndələri təşəbbüs etdilər ki, talan olunan torpaqlarımızda monitorinq həyata keçirsinlər. Xatırlayırsınızsa, bir müddət əvvəl sosial şəbəkələrdə bu yolla Azərbaycanın yeraltı və yer üstü sərvətləri daşınan maşınların karvanı olan video görüntülər yayılmışdı. Hazırda isə burada yol həm sağdan, həm də soldan bağlanıb”.
U.Mirzəyevin sözlərinə görə bəla burasındadır ki, insanların monitorinq keçirməsinə heç bir izahat olunmadan mane olunur. Bu monitorinq keçirilərsə müəyyən nəticələr əldə oluna bilər.
“Ekoloji terroru həyata keçirən, Azərbaycanın sərvətlərini talan edən qüvvələr 30 il bundan əvvəl meydana çıxan separist qüvvələrdir. 30 ildir işğaldan azad olunan torpaqlarımızda divan tutublar. Bu torpaqlara 1 milyondan çox mina əkiblər. Hələ uzun illər lazımdı ki, topraqlar təmizlənsin. Yandırılan, dağılan evlərin üstünün kirəmitlərinin kimyəvi tərkibi torpağı zəhərləyib. Su hövzələri sıradan çıxardıldı. Bunların hamısı ekoloji terrorun tərkib hissəsidir”.
Fond rəhbəri həmçinin qeyd edib ki, barış istməyən qüvvələr terrorun davam etməsində maraqlıdırlar. Barış olmadığı təqdirdə bu insanlar sərbəst şəkildə yeraltı və yerüstü sərvətlərimizi dağıtmaqda davam edəcəklər.
“Bunlar çox gözəl bilirlər ki, Azərbaycan insanı erməni kökənli insanlarla bir əlaqəyə çıxarsa problemin həlli üçün anlaşa bilərlər. Çox təəssüf ki, o maraqlı qüvvələri də rusiya sülhməramlı qüvvələri dəstəkləyir. 2 il bundan əvvəl kapitulasiya aktı imzalandıqdan dərhal sonra erməni hərbi birləşmlərini buradan çıxarmalı idilər. Onlar nəyinki bunları burdan çıxardılar, əksinə həmin qüvvələrin silahlanmasına, daha da möhkənmlənməsinə şərait yaratdılar. Rusiya hərbi qüvvələrinin yerləşdiyi ərazilərdə Azərbaycan insanına atəş açlır. Bütün bunların hamısı yolverilməzdir. Bu aksiya böyük barışın başlanğıcıdır. Azərbaycan insanı rus sülhməramlı qüvvələrinin yerləşdiyi ərazilərə özü nəzarət edəcək. Buna çox böyük ehtiyac var”.
Qeyd edək ki, Azərbaycanın qeyri-hökumət təşkilatlarının (QHT) nümayəndələri Şuşada Rusiya sülhməramlılarının postunun yaxınlığında azərbaycanlı mütəxəssislərin sülhməramlıların müvəqqəti nəzarətindəki ərazilərdə yerləşən yataqların qeyri-qanuni istismarı ilə bağlı monitorinq aparmaq üçün əraziyə buraxılmamalarına qarşı etiraz aksiyası keçirirlər.
Oğuz Ayvaz