Peşə dedikdə ağlımıza müəllim, hüquqşünas kimi sahələr gəlir, amma adlarını çox eşitməsək də, dünyada çox maraqlı işləri olan insanlar var. Üstəlik, bu peşələr bir o qədər də təhlükəlidir! Tək bir səhv hətta insanın ölümü ilə nəticələnə bilər.

Vulkanoloq

14 yanvar 1993-cü ildə Stenli Uilyams hərəkətsiz olduğuna inandığı Kolumbiya vulkanı Qalerasdan nümunələr toplayırdı. Nəticədə vulkan qəflətən və şiddətlə püskürür, altı alim və üç turist həlak oldu.

Uilyams xatırlayır: "Kraterdəki dostlarım min dərəcə Selsidə buxarlandı və kiçik hissəciklərə parçalandı. Bir anın içində Qaleras uğultuya, yeri silkələməyə və hər tərəfə daş atmağa başladı". 

İlan  Sağıcı

Melburn Universitetinin Zəhər Tədqiqat Laboratoriyasının rəhbəri Dr. Brayan Qriq Fray ilk ilan sancmasından on dəqiqə sonra yerə yıxılıb.  

Ağrı yox idi, amma zəhər halüsiogen dərman kimi bir şey idi. "Dadını hiss edə bildiyim yeganə şey metal idi",  deyə o, xatırlayır. 

"Mən yalnız sarının çalarlarını görə bilirdim - qırmızıları, maviləri və yaşılları görmə qabiliyyətini itirdim".

Sancma dərhal müalicə olunmazsa ölümcül ola bilər. Bununla belə, Fray 24 dəfə zəhərli ilanların hücumuna məruz qalıb. Amma buna baxmayaraq, o, ilan  sağmağı heç vaxt dayandırmayıb.

Qasırğa ovçusu

Təyyarənin göyərtəsində olan qasırğa ovçuları hər uçuş zamanı pilotla birlikdə təyyarənin ağır turbulentlikdən qaçmasını və təhlükəli fırtınalar zamanı təhlükəsiz səyahət etməsini təmin edir.

ABŞ Milli Okean və Atmosfer Administrasiyasında çalışan Dr. Cim MakFadden necə ölümdən qayıtması barədə danışır; 

“Biz gecə Şimali Atlantika üzərində, 900 metr hündürlükdə, qasırğalı küləklərdə uçurduq.Təyyarənin dörd mühərriki var idi və üç dəqiqədən az vaxt ərzində onlardan üçü dayandı.

15 metrlik dənizə doğru gedirdik. Əgər qasırğada olsanız, hər şey bitdi. Düşündüm ki, hamımız öləcəyik”.

Lakin pilotlar və qasırğa ovçusu sayəsində təyyarə qəzadan son anda xilas olur.

Təhlükəli dalğıclar 

Kanalizasiyalarda üzmək, meyitləri göllərdən çıxarmaq və nüvə reaktorlarına dalmaq hazmat dalğıclarının işidir. Qoruyucu paltar geyinsələr belə, bu həmişə kifayət etmir. Xüsusi Əməliyyatlar Direktoru Alan Hamphreyin sözlərinə görə, hər kəs zaman qoruyucu kostyumlarda sızma ilə qarşılaşıb.

Hamphrey deyir ki, təhlükəli olan materiallar deyil, dalğıcın özüdür. Bir neçə il əvvəl Hamphrey komandası batmış sualtı qayığın ətrafında asbest və kimyəvi maddələrdən nümunə götürürdü.

İki dalğıc köməkçisi sualtı qayığın mühərrik otağına daxil olub və onların görmə qabiliyyəti qəfil sıfıra enib. Demək olar ki, çıxış yolu tapa bilməyən dalğıclar ölülər arasından qayıdıblar. Hamphrey deyir:

 "Bu, qapalı məkanlara daxil olmaq və çıxmağa görə  prosedurlarımızı nəzərdən keçirmək üçün oyanış zəngi idi".

 Ayan Rzayeva