Xəbər verdiyimiz kimi, bayram günlərində ətin qiyməti 20 manata qədər yüksəlib. Hazırda bazarda qiymətlərdə dəyişiklik yoxdur. Paytaxt bazarlarında dana ətinin 1 kiloqramı 15-16, quzu ətinin kilosu isə 19-20 manata satılır.
Buna səbəb nədir?
Bu barədə Ednews-a iqtisadçı-ekspert Günay Hüseynova açıqlamasında bildirdi ki, hər bayram öncəsi ərzaq və qeyri-ərzaq mallarının qiymətində artım müşahidə olunur.
“Demək olar sanki bu proses adət halınıb alıb. İstehlakçı bildirir ki, bayrama 10 gün varsa demək qiymətlər artmağa başlayır. Lakin maraqlı tərəfi budur ki, bayramqabağı qiymətlər artsa da artan templə irəliləyir. Əksər Avropa ölkələrində, Amerikada hətta marketlər bayram üçün xüsusi endirimlər tətbiq edirlər. Xüsusilə də Yeni illə bağlı, bayram günlərində.
Ekspertin sözlərinə görə, bizdə isə əksinə sahibkar və ya satıcı düşünür ki, baha satım, çox qazanım.
“Əslində isə rəqabət mühiti olmalıdır, qiymət aşağı olsun ki, hamı ala bilsin. Hazırda tələblə təklif tərs mütənasibdir. Qiymətlər alıcı üçün əl çatan olmalıdır. Kənd Təsərrüfatı Nazirliyi tərəfindən bayramqabağı yarmarkalar təşkil olunur, İqtisadiyyat Nazirliyi yanında müxtəlif qurumların bazara nəzarəti var. Lakin buna baxmayaraq pul faktoru əsas qüvvədir. Pulun alıcılıq qabiliyyəti yoxdur. Gəlirlərlə, artan qiymətlər tərs mütənasibdir”.
Oğuz Ayvaz