“Xəbəri eşidəndə çox sarsıldım. Zatən Türkiyənin başına pis hadisələr gələndə öz ölkəmin acısı kimi hiss edirəm. Biz bir millətik, öz dövlətimiz bilirik Türkiyəni”.

Bu sözləri Ednews-a  Auditorlar Palatasının sərbəst auditoru, Azərbaycanda Qadın Sahibkarlığının İnkişafı Assosiasiyasının (AQSİA) audit və maliyyə komissiyasının rəhbəri Rəna Qəfərova deyib. O, qeyd edib ki, baş vermiş zəlzələlər Türkiyədə faciələrə səbəb oldu. Minlərlər insan həlak oldu. Onarın acılarına, üzüntülərinə şərikik. Allah ölənlərə rəhmət etsin. Yaralılara da şəfalar diləyirəm. 

“Onlarla şəhərlər, kəndlər, qəsəbələr sanki yer altına gömüldü, milyonlarla insanlar evsiz-eşiksiz qaldı, yüz minlərlə insan isə hələ də dağıntılar altında qalmaqda davam edir. Yaşanan faciə eyni zamanda, türk xalqını və Türkiyənin sadiq dostlarını özündə daha çox və daha sıx birləşdirdi. Qardaş ölkə Türkiyə bu gün ciddi imtahan qarşısında əyilmədiyini, qəddini şax saxladığını tərənnüm edir”.

R.Qəfərova əlavə etdi ki, əlimizdən nə gəlirsə edəcəyik. Türk qardaş-bacıların yanındayıq. Orada dostlarımız var, tez-tez əlaqə yaradır, danışırıq. Şükür ki, səhəttləri yaxşıır. Türkiyə xalqına yardım üçün maddi köməklik də göstərdim. İnşallah bundan sonra qardaş ölkəmiz ağır günlərdən tezliklə çıxar. 

“Başın sağ olsun, Türkiyə! Bir daha keçmiş olsun Türkiyəm, bütün həlak olanlara Allah rəhmət eləsin, yaxınlarına səbir versin. Təbii fəlakətlər olur, bu qaçınılmazdır. Heç kim bundan sığortalı deyil. İnsan amili Türkiyə hökuməti üçün əsas məsələdir və bu ağır sınaq, eyni zamanda, Türkiyənin gücünü bir daha bütün dünyaya göstərəcək. Bu, qardaş xalqımızı sarsıtmayacaq, Türkiyə dövlətinin iradəsinə təsir etməyəcək. İnanıram ki, qardaşımız bunu da adladacaq. Tanrı türkü qorusun!”

Oğuz Ayvaz