Xəbər verdiyimiz kimi, iyul ayının 15-dən etibarən Milli Məclisin deputatları tətilə çıxır. Məzuniyyət zamanı deputatlara müalicə olunması və istirahət etməsi üçün onların iki aylıq vəzifə maaşı məbləğində müavinət verilir.
Bəs deputatlar bu yay istirahətini harada və necə keçirməyi düşünür, onlar ölkə xaricinə, yoxsa bölgələrimizə üz tutacaqlar?
Mövzu ilə bağlı Ednews deputatlar arasında sorğu keçirib:
Aqil Abbas:
“Bu il xarici ölkələrə getməyəcəm. Onsuz da yollar da bağlıdır. Yay tətilimi Azərbaycanda keçirəcəm. Bölgələrimizdə istirahət etməyi düşünürəm. Şuşaya, Kəlbəcərə gedəcəm. Mənim üçün ən gözəl istirahət yeri Qarabağdır”.
Hikmət Babaoğlu:
"Azərbaycanda keçirəcəm. Mümkün olsa Kəlbəcər və Laçına getməyə çalışacam".
Fazil Mustafa:
"Bakıda, Reabilitasiya prosesində olacağam".
Azər Badamov:
“Kimlər istirahət etməyi planlaşdırmayıbsa, Qusarı seçməyi tövsiyə edirəm. Qusarın gözəl təbiəti, ləzzətli mətbəxi və ən əsası qonaqpərvər sakinləri var. Qusar həm də deputat seçildiyim doğma rayonumdur. Yay tətili vaxtı Qusarda rayon əhalisi ilə bir yerdə olmağı planlaşdırıram. Hamıya gözəl yay istirahəti arzulayıram”.
Ceyhun Məmmədov:
"Azərbaycanda bir neçə gün dincəlməyi düşünürəm. Seçicilərlə də görüşlər davam edəcək. Əsasən Bakıda bağda istirahət edəcəm".
Nəsib Məhəməliyev:
“İndi xaricdə ezamiyyətdəyəm. Yay tətilini hər hansı ölkədə keçirməyi düşünmürəm. Tətili bölgələrdə keçirmək istəyirəm. Dəqiq hansı rayon olduğunu planlamamışam”.
Cavanşir Paşazadə:
“Tətilin başlamasına hələ 1 ay var. Azərbaycanda gəzməli-görməli yerlər çoxdur. Mən tətili Azərbaycanın bölgələrində keçirməyi planlayıram. Cənub bölgəmiz olan Lənkərana getməyi düşünürəm. Tətili nəvələrimlə birlikdə Lənkaran əhalisi ilə keçirəcəyəm”.
Oğuz