Əfqanıstanda qadın hüquqularının pozulması faktlarına çox rast gəlinir. Burada qızlar erkən yaşlarında nigaha cəlb edilir, məktəbə getmir, ümumilikdə qızlar təhsil ala bilmirlər. Amma istisnalar da olur.
Əfqanıstanın paytaxtı Kabulun Daykundi vilayətində bir dənə də olsun qadın həkim yoxdur, amma qadın qubernator var.
Məsumə Muradi Əfqanıstanda qadının yalnız ana, evin xanımı kimi tanındığı bir ölkədə kişilərin əhatəsində işləyir. Əfqanıstan kimi bir mühit üçün bu elə də asan bir məsələ deyil.
Muradini vəzifəyə prezident Əşrəf Qani təyin edib. Amma onun arxası, dayağı prezident yox, əri Xəlil Haşimdir.
Muradi Kabulun 310 km-liyində Daykundi vilayətinin qubernatorudur. Vilayətin paytaxtı Nili şəhəridir.
37 yaşlı qadın sübh evdən çıxır, gecə qayıdır, bəzən də işlərin çoxluğundan evə vaxtında qayıda bilmir. Onun yoldaşı Xəlil Haşim qapıya qaçır və vali arvadına ilk sözü bu olur: Şam hazırdır! Xəlil Haşim özünü qadın hüquq müdafiəçisi kimi təqdim edir. “Arvadımla fəxr edirəm” deyir.
Nilidə qadının təhsil almasını dəstəkləyən çox adam var. Çünki qadın həkimlərə, qadın müəllimlərə böyük ehtiyac var. Amma hələ ki kişi həkim və müəllimlərin valisi qadındır!
Hər bacarıqlı, uğurlu qadının da arxasında bir kişi dayanır...
