Televiziyalar günü-gündən bayağılaşan, mənasız şou proqramları artırmaqdadır. Belə olan halda cəmiyyət də, uşaqlar da bundan təsirlənir. İnsanları ucuz şou-proqramlardan necə xilas etməliyik? 

Mövzu ilə bağlı sosioloq Əhməd Qəşəmoğlu Ednews-a açıqlamasında bildirdi ki, televiziyalar əhalini daha çox sağlamlıq mədəniyyəti haqqında məlumat almağa kökləməlidir:

“Əvvəl evlilik verilişləri Türkiyədə yayımlanırdı, bizimkilər də bu proqramları onlardan götürüb. Bu verilişlərdə bir macəraçılıq, hansısa bir maraq var. Məsələn, biri yaşlanıb, baxır deyir mənim yaşıdlarım bunu edirsə, elə bəlkə mən özüm də kanala çıxım, görüm neynirəm. Bunların bir səbəbi var, o da cəmiyyətdə insanların sağlam informasiya almasının qeydinə qalmamaq. 

Biz televiziyalarnın öz platforması olmağına köklənməliyik. Birinci növbədə insanlara qida və sağlamlıq mədəniyyətini artıran verilişlər nümayiş etdirmək lazımdır. İkinci tip verilişlər insanların mənəvi zənginləşməsinə, vətənpərvərliyin artmasına xidmət edir. Üçüncü tip verilşlər isə insanlarda əməyə yaradıcı münasibət tələbı yaratmalıdır. İnsanlar gözləməsinlər ki, kimlərsə ona nəsə gətirib verəcək”.
Sosioloqun sözlərinə görə, televiziyalar bu işlərdən məşğul olmaq əvəzinə ucuz şou-biznes əhlinin təbliğinə yer ayırır:

“Mən universitet müəllimiyəm, görəndə o verilişlər mənim tələbələrin müzakirəsinə və hərəkətinə keçir dəhşətə gəlirəm, Bizim informasiya siyasətimiz doğru deyil. Televiziya əhalinin keyfiyyətinə təsir edən  amildir və onu başlı-başına qoymaq olmaz. Əgər əhalinin belə verlişlərə marağı artırsa və verilişin reytinqi yuxarıdırsa deməli biz bu sahədə düzgün çalışmırıq”.

Oğuz