Əfqanıstanlı ekspert, BMT-nin gənc Diplomatlar Assosiasiyasının təmsilçisi Nəcib Obaid Martın 10-da BMT-nin Cenevrədəki qərargahında BAMF-ın təşkilatçılığı ilə münaqişədən əziyyət çəkən uşaqlarla bağlı beynəlxalq müzakirələrə internet vasitəsi ilə canlı bağlanaraq Əfqanıstanda uzun illərdir davam edən münaqişələr nəticəsində acınacaqlı həyata məhkum olan əfqan uşaqlar barədə araşdımaların nəticəsini açıqlayıb. "Eurasia Diary" ekspertin çıxışını təqdim edir:
Xanımlar və cənablar,
Dünyada müharibələrin ağır nəticələrindən əziyyət çəkən uşaqların statistikası günü-gündən artmaqdadır. Hazırda münaqişə ocaqlarında yaşayan milyonlarla uşaq var. Bu problem bütün təşkilatların, beynəlxalq Konvensiyaların, xüsusilə də Uşaq Hüquqları Konvensiyasının diqqət mərkəzində olmalıdır.
Ötən onillikdə müharibə nəticəsində 10 milyondan çox uşaq həyatını itirib. Uşaqlar təkbaşına və köməksiz qaldıqları zaman ya azyaşlı əsgərlərə çevrilir ya da istismar edilir. Onların əksəriyyəti ağır travmalar alır, yaralanır, hətta şikəst qalırlar. Müharibənin izləri onları ömürboyu izləyir. Avropaya səfərim zamanı bütün Avropanın metro və qatarlarlarında dilənçiliyə məcbur edilən çoxsayda azyaşlıları gördüm.
Qeyd edək ki, hərbi münaqişələrin xarakteri dəyişib və uşaqlar artıq müharibənin şahidi deyil, onun bilməyərəkdən hədəfinə çevriliblər. Məsələn KİV-in yaxın zamanda yaranan Suriya münaqişəsinə nisbətən daha az işıqlandırdığı 40 il müharibədən əziyyət çəkmiş Əfqanıstanda humanitar yardıma ehtiyac duyan 8 milyondan çox insan yaşayır ki, onların da üçdə ikisini uşaqlar təşkil edir.
Buna son qoyulmalıdır və mən ümid edirəm ki, dövlətlər məcburi köşkün həyatı yaşayan uşaqları yerdə qalan digər uşaqlar kimi eyni xidmətlərlə təmin edərək müdafiə edici şəraiti yaradacaq.