Bir neçə gün öncə Səudiyyə Ərəbistanının kralı Salman bin Əbdüləziz əs-Səudun sarayına hücum edilmişdi. Hücum nəticəsində kral iqamətgahının iki mühafizəçisi öldürülüb.

ABŞ-ın Səudiyyə Ərəbistanındakı səfirliyi öz vətəndaşlarının ehtiyatlı olmaları və kral sarayının yaxınlığından keçməmələri üçün xəbərdarlıq etdi.

Ərəb KİV-i xatırladıb ki, son zamanlar İŞİD Səudiyyə Ərəbistanında fəallaşıb. Terroristlər ölkənin şiə azlıqlarının çoxluq təşkil etdiyi şimal əyalətlərindəki şiə məscidlərinə hücumlar təşkil edib.

Bu faktı şərh etmək üçün Eurasia Diary İnnovativ inkişaf institututnun geosiyasi araşdırmalar mərkızinin rəhbəri, tanınmış rus politoloqu Dmitriy Rodionovdan müsahibə götürüb.

“Səudiyyə kralının sarayına hücumu təkbaşına hərəkət edən terrorist həyata keçirib. Bu həmin vaxt Moskvada səfərdə olan krala onun Moskva ilə münasibətləri yoluna qoymaq cəhdlərindən narazı qalanlar tərəfindən edilmiş “xəbərdarlıq” idi.

Qeyd etmək lazımdır ki, son zamanlar krallıq ərazisində İŞİD qüvvələri fəallaşıb.  Bu yaxınlarda şiə məscidinə hücum edilib. Sentyabrda Səudiyyə Ərəbistanının  təhlükəsizlik qüvvələri terrorist qruplaşmalarının Müdafiə Nazirliyinin Ər-Riyaddakı iki qərargahına hücumunun qarşısını alıb.

Əslində “xilafətçilər” heç vaxt islam dünyasının müqəddəs yerləri sayılan Məkkə və Mədinənin Səudiyyənin kafir rejimindən azad edilməsinə dair ambisiyalarını gizlətməyib. Qeyd olunmalıdır ki, İraq və Suriyada qruplaşma məğlub ediləndən sonra onlar bütün dünyada daha geniş fəaliyyət göstərə biləcək.

Səudiyyə üçün heç də asan olmayan dövr başlayıb. Ölkə  daxilində şiələrlə olan problem, Yəməndə husilərlə aparılan uğursuz müharibə, Qətərlə maraqların üst üstə düşməməsi, Suriyadakı uğursuz strategiya bura daxildir.

Məhz buna görə də  Ər-Riyad bir sıra məsələlərlə bağlı Moskva ilə əməkdaşlığa önəm verir. ABŞ isə artıq birmənalı etibarlı müttəfiq deyil. O son zamanlar çoxlu problemlərlə üzləşib və Yaxın Şərqdə vəziyyətin dəyişməsi ilə bu problemlərin sayı daha da artacaq.