Qırğızıstan ərazisində ikinci rus hərbi bazasının yerləşdirilməsinə dair Rusiya ilə danışıqlar aparır. Hələ ki, son qərar verilməyib. Maraqlıdır, danışıqların sonu nə ilə bitəcək? Rusiya daha bir bazanın açılmasında niyə maraqlıdır?

Bu və digər sualları tanınmış bolqar siyasətçisi Plamen Peskov Eurasia Diary-ə verdiyi müsahibəsində cavablandırıb.

Onun sözlərinə görə, əslində bazalarının olması çox vacibdir. Çünki, postsovet respublikalarında rus bazalarının olmadığı yerdə ya amerikan bazası açılacaq ya da kütləvi ixtişaşlar, çevrilişlər və vətəndaş müharibələri olacaq.

“ABŞ və onun xüsusi xidmət orqanları üçün yerlərdə rus hərbçilərinə qarşı “yerli müqavimət” hərəkatını təşkil etmək çətin deyil. Düşünürəm ki, baza açılacaq, lakin çətinliklər də olacaq. Atambayev və Qırğızıstan buna görə cəzalandırılacaq və regionda hər cür çətinlik yaradılacaq.

Mən tam əminəm ki, Suriyada İŞİD tam məğlub olmayacaq. O sadəcə yerdəyişmə edəcək. Belə desək, brendin yenilənməsi baş verəcək. Bu silahlıların yenidən təşkilatlanması üçün nöqtələrdən biri də elə Mərkəzi Asiyadır. Baza olacaq, lakin tezliklə yox. Həm baza, həm də Rusiya üçün çətin olacaq. Gərginlik daha da artacaq.

İŞİD Hillari Klintonun şəxsi layihəsidir. O, seçkilərdə uduzdu, buna görə də Donald Tramp İŞİD-i layihə kimi bitirir, lakin həmin döyüşçüləri yeni etiketlə ABŞ-a lazım olan yerlərdə yenidən təşkilatlandırır.

Hətta ABŞ-ın Suriyada daimi olmayan ordusu qismində SDQ (Suriya Demokratik Qüvvələri) də əlavə olunub. Bundan başqa ABŞ hazırda kürdlərin və yenidən təşkilatlanadək qoruduğu İŞİD-in qalıqlarının SDQ-də və Peşmərgədə fəaliyyətlərini dayandırmağa çalışır.  Ancaq onlar sistemli, savadlı şəkildə məhz bunu etməklə hamını və hər şeyi öz iradə və maraqlarına tabe edirlər".