Qırğızıstanda keçirilən prezident seçkilərində Sosial Demokrat Partiyasının namizədi Sooronbay Jeenbekov qazanıb. Seçicilərin 55 faizi ona səs verib və media bu seçkiləri ən çox rezonans doğuran seçkilərin sırasına aid edib.
Jeenbekov yalnız dekabrda vəzifəsinə keçməsinə baxmayaraq, onun komandası artıq fəaliyyat planını hazırlamağa başlayıb. Prezident ilk rəsmi səfərini Rusiyaya etmək niyyətindədir.
Politoloq, post sovet ölkələrinin beynalxalq münasibətləri üzrə ekspert Rövşən İbrahimov yeni prezidentin gələcək fəaliyyəti barədə Eurasia Diary-nin suallarını cavablanndırıb.
Yeni prezidentin hakimiyyəti zamanı ölkənin xarici siyasətində heç bir dəyişiklər gözləməyə dəyməz və Jeenbekov Atambayevin davamçısı kimi qəbul olunmalıdı.
Qərb bu regiona o qədər də maraq göstərmir ancaq 11 sentyabr hadisələrindən sonra Manasda ABŞ və NATO müttəfiqləri tərəfindən aviabazanın yaradılması ilə vəziyyət dəyişdi . Ancaq hal- hazırda bu baza fəaliyyət göstərmir və buna görə də Qərb üçün bu region artıq maraq kəsb etmir.
Rövşən İbrahimovun fikrincə, Rusiya bu hədəflərin təmin olunmasında əsas amildir. Buna görə də, Qırğızıstan bütün Rusiya meylli regional təşkilatların üzvüdür.
Qırğızıstanın Çinlə münasibətləri nəqliyyat layihələri ilə gücləndirilib. Qırğızıstanın xarici kursu artıq mövcud şəraitdə formalaşıb və onun dəyişdirilməsinə hər hansı bir amil təsir göstərə bilməz", - deyə ekspert bildirib.