Rusiya və Türkiyə prezidentləri Rəcəp Tayyib Ərdoğan və Vladimir Putin 5 gün öncə noyabrın 13-də görüşdülər ancaq, bu görüş zamanı Dağlıq Qarabağ münaqişəsinin nizalanmasına dair müzakirələrin aparıldığı yalnız dünən məlum olub.
Ərdoğanın Türk mediasına verdiyi məlumata görə o, Putinə 5 işğal olunmuş rayonun azad edilməsinə dair qərarı xatırladıb. Həmçinin, Putinin bu məsələ ilə daha ətraflı maraqlanmasının Rusiya ücün faydalı olacağını bildirib.
Eurasia Diary politoloq, siyasi elmlər namizədi, Azərbaycan Respublikasının Prezidenti yanında Dövlət İdarəçilik Akademiyasının müəllimi Zaur Məmmədova 5 rayonun işğaldan azad edilməsi ehtimalını şərh etməsi üçün müsahibə götürüb.
Zaur Məmmədov
Onun sözlərinə görə, Türkiyə prezidentinin Rusiya başçısı qarşısında “Dağlıq Qarabağ” məsələsini qaldırması təqdirəlayiq haldır. Ermənistan münaqişənin həlinnin ilk mərhələsində işğal olunmuş ən azı 5 rayonu Azərbaycana qaytarmalıdır. Bütün dünya ictimaiyyətinin Azərbaycanın ərazi bütövlüyünü tanıdığı halda Minsk qrupunun həmsədrləri Ermənistanı sülhə məcbur etməlidirlər, əks halda müzakirələrin aparılması heç bir nəticə verməyəcək. Halbuki, bu istiqamətdə heç bir iş görülmür.
Bu ilin yayında azərbaycanlı nənə və onun nəvəsinin ermənilər tərəfindən qumbara ilə öldürülməsi yadımızdadır. Ermənilərin Azərbaycana qarşı bu cür təxribatları tez-tez baş verir.
Rusiya cəbhə bölgəsində vəziyyətin sabit olmadığını və tezliklə münaqişənin həllində tədbirlərin görülməsinin vacibliyini anlamalıdır. Bjezinskinin xarici siyasət doktrinasını unutmayaq. Vulkanın yaxınlığında dayanıb onun püskürməsini gözləmək ilk növbədə, Rusiya üçün təhlükəlidir. Cənubi Qafqazda vəziyyət sakit olduğu sürəcə Rusiya bu fürsətdən istifadə edib Dağlıq Qarabağ münaqişəsini həll etməlidir.
Ermənistan və Azərbaycan 1994-cü ildən sonra müharibəyə ən yaxın olduqları zamandır. Onların arasında baş verə biləcək yeni müharibə Rusiya, Türkiyə , ABŞ və Rusiya, həmçinin, Rusiyanın və Yaxın Şərqin müsəlmanlarını da bu münaqişəyə cəlb edə bilər”, deyə politoloq bildirib.
Natalya Quliyeva